AK ହଂସପାଳ ଓ ନିମାପଡା କେନାଲ ବନ୍ଧ ରାସ୍ତାର ବନମାଳୀପୁର ନିକଟରେ ଗୋଟିଏ ଦ୍ରୁତଗାମୀ କାର ଧକ୍କାରେ ବାଇକ ଚାଳକ ଗୁରୁତର ହୋଇ କ୍ୟାପିଟାଲ ହସ୍ପିଟାଲକୁ ସ୍ଥାନାନ୍ତର ହୋଇଛନ୍ତି। ଗୁରୁତର ଆହତ ଯୁବକ ହେଲେ ବିକାଶ (୨୫) ଏବଂ ସେ ଜଣେ ଜେସିବି..
ବାଲିପାଟଣା: ହଂସପାଳ ଓ ନିମାପଡା କେନାଲ ବନ୍ଧ ରାସ୍ତାର ବନମାଳୀପୁର ନିକଟରେ ଗୋଟିଏ ଦ୍ରୁତଗାମୀ କାର ଧକ୍କାରେ ବାଇକ ଚାଳକ ଗୁରୁତର ହୋଇ କ୍ୟାପିଟାଲ ହସ୍ପିଟାଲକୁ ସ୍ଥାନାନ୍ତର ହୋଇଛନ୍ତି। ଗୁରୁତର ଆହତ ଯୁବକ ହେଲେ ବିକାଶ (୨୫) ଏବଂ ସେ ଜଣେ ଜେସିବି ଚାଳକ ବୋଲି ଜଣା ପଡିଛି।
ଦୁର୍ଘଟଣା ରେ ବାଇକ ଏବଂ କାର କେନାଲ ଭିତରେ ପଡ଼ିଛି। ସୂଚନା ଅନୁସାରେ ବିକାଶ ବନମାଳୀପୁର ଅଞ୍ଚଳର ଜନୈକ ଠିକାଦାରଙ୍କ ପାଖରେ ଜେସିବି ଡ୍ରାଇଭର ଭାବେ କାମ କରନ୍ତି। ଆଜି ମଧ୍ୟାହ୍ନ ପ୍ରାୟ ୧ ବେଳେ ସେ କୌଣସି କାମରେ ବାଇକ ଧରି ନିମାପଡା କେନାଲ ବନ୍ଧ ଉପରକୁ ଉଠିବା ସମୟରେ ହଂସପାଳ ଅଭିମୁଖେ ଯାଉଥିବା କାର୍ (ଓଡି 0୨ ସିଏଚ ୭୮୬୪) ତାଙ୍କୁ ଶକ୍ତ ଧକା ଦେଇଥିଲା। ଫଳରେ ବାଇକ ଚାଳକ କେନାଲ ଭିତରକୁ ଛିଟିକି ପଡିଥିଲେ। ତାଙ୍କ ଗୋଡ଼ ଭାଙ୍ଗି ହାଡ଼ ବାହାରକୁ ବାହାରି ଯାଇଛି ଏବଂ ମୁଣ୍ଡ , ମୁହଁ , ନାକ , ଛାତି , ହାତ, ପେଟ ପ୍ରଭୃତି ରେ ଗଭିର ଆଘାତ ଲାଗି ପ୍ରଚୁର ରକ୍ତସ୍ରାବ ହୋଇଛି।
ର୍ଘଟଣା ପରେ କାର ଏବଂ ବାଇକ ନାଳ ଭିତରକୁ ଖସି ପଡ଼ିଛି। ବଡ଼ କଥା ହେଉଛି କେନାଲ ଶୁଖିଲା ଥିବା ହେତୁ ଏକ ବଡ଼ ଦୁର୍ଘଟଣା ଟଳି ଯାଇଛି। ଗୁରୁତରଙ୍କୁ ଉଦ୍ଧାର କରି ବାଲିପାଟଣା ଗୋଷ୍ଠୀ ସ୍ୱାସ୍ଥ୍ୟକେନ୍ଦ୍ରରେ ଭର୍ତ୍ତି କରାଯାଇଥିଲା। ଅବସ୍ଥା ସଂକଟାପନ୍ନ ହେବା ପରେ ଦାୟିତ୍ୱରେ ଥିବା ଡାକ୍ତର ତାଙ୍କୁ ଅଧିକ ଚିକିତ୍ସା ପାଇଁ କ୍ୟାପିଟାଲ ହସ୍ପିଟାଲକୁ ପଠାଇ ଦେଇଛନ୍ତି। କାର ଚାଳକଙ୍କ ଠିକଣା ଜଣାପଡ଼ି ନାହିଁ। ବନମାଳୀପୁର ଫାଣ୍ଡି ପୁଲିସ ଘଟଣାର ତଦନ୍ତ କରୁଛି।
