AK ଯଦିଓ ପୂର୍ବରୁ ପାକିସ୍ତାନ ଭଳି ଦେଶ ମଧ୍ୟସ୍ଥତା ପାଇଁ ଚେଷ୍ଟା କରି ବିଫଳ ହୋଇଛନ୍ତି, ତଥାପି ପ୍ରଧାନମନ୍ତ୍ରୀ ନରେନ୍ଦ୍ର ମୋଦୀଙ୍କ ସନ୍ତୁଳିତ କୂଟନୈତିକ ଆଭିମୁଖ୍ୟ ଯୋଗୁଁ ଭାରତ ଉପରେ ବିଶ୍ୱର ଭରସା ବଢ଼ିଛି । ରାଜନାଥ ସିଂହ କହିଛନ୍ତି ଯେ, “ହୁଏତ ଆସନ୍ତାକାଲି ଏପରି ଏକ ସମୟ ଆସିବ ଯେତେବେଳେ ଭାରତ ନିଜର ଭୂମିକା ଗ୍ରହଣ କରିବ ଏବଂ ଏହି ଦିଗରେ ସଫଳତା ହାସଲ କରିବ । ପଶ୍ଚିମ ଏସିଆରେ ୫୦ ଦିନରୁ ଅଧିକ ସମୟ ଧରି ଜାରି ରହିଥିବା ଇରାନ-ଆମେରିକା ଉତ୍ତେଜନା ମଧ୍ୟରେ ଭାରତୀୟ ପ୍ରତିରକ୍ଷା ମନ୍ତ୍ରୀ ରାଜନାଥ ସିଂହ ଏକ ଗୁରୁତ୍ୱପୂର୍ଣ୍ଣ ବିବୃତି ଦେଇଛନ୍ତି । ଜର୍ମାନୀ ଗସ୍ତରେ ଥିବା ରାଜନାଥ ସିଂହ ସଙ୍କେତ ଦେଇଛନ୍ତି ଯେ, ଆଗାମୀ ଦିନରେ ଭାରତ ଏହି ସଂଘର୍ଷ ଦୂର କରିବା ପାଇଁ ଏକ ନିର୍ଣ୍ଣାୟକ ଭୂମିକା ଗ୍ରହଣ କରିପାରେ । ଯଦିଓ ପୂର୍ବରୁ ପାକିସ୍ତାନ ଭଳି ଦେଶ ମଧ୍ୟସ୍ଥତା ପାଇଁ ଚେଷ୍ଟା କରି ବିଫଳ ହୋଇଛନ୍ତି, ତଥାପି ପ୍ରଧାନମନ୍ତ୍ରୀ ନରେନ୍ଦ୍ର ମୋଦୀଙ୍କ ସନ୍ତୁଳିତ କୂଟନୈତିକ ଆଭିମୁଖ୍ୟ ଯୋଗୁଁ ଭାରତ ଉପରେ ବିଶ୍ୱର ଭରସା ବଢ଼ିଛି । ରାଜନାଥ ସିଂହ କହିଛନ୍ତି ଯେ, “ହୁଏତ ଆସନ୍ତାକାଲି ଏପରି ଏକ ସମୟ ଆସିବ ଯେତେବେଳେ ଭାରତ ନିଜର ଭୂମିକା ଗ୍ରହଣ କରିବ ଏବଂ ଏହି ଦିଗରେ ସଫଳତା ହାସଲ କରିବ ।”
ବର୍ଲିନରେ ସଂସଦୀୟ ସ୍ଥାୟୀ କମିଟିକୁ ସମ୍ବୋଧିତ କରି ପ୍ରତିରକ୍ଷା ମନ୍ତ୍ରୀ ହର୍ମୁଜ ପ୍ରଣାଳୀରେ ସୃଷ୍ଟି ହୋଇଥିବା ବାଧାବିଘ୍ନକୁ ନେଇ ଗମ୍ଭୀର ଚିନ୍ତା ପ୍ରକାଶ କରିଛନ୍ତି । ସେ ସ୍ପଷ୍ଟ କରିଛନ୍ତି ଯେ, ହର୍ମୁଜ ପ୍ରଣାଳୀରେ ଅଶାନ୍ତି ଭାରତ ପାଇଁ କୌଣସି ଦୂରର ଘଟଣା ନୁହେଁ, ବରଂ ଏହା ଦେଶର ଶକ୍ତି ନିରାପତ୍ତା ଏବଂ ଆର୍ଥିକ ସ୍ଥିରତା ଉପରେ ସିଧାସଳଖ ପ୍ରଭାବ ପକାଉଛି । ଭାରତ ନିଜର ଶକ୍ତି ଆବଶ୍ୟକତାର ଏକ ବଡ଼ ଅଂଶ ପାଇଁ ପଶ୍ଚିମ ଏସିଆ ଉପରେ ନିର୍ଭର କରୁଥିବାରୁ, ଏହି ଅଞ୍ଚଳରେ ଶାନ୍ତି ପ୍ରତିଷ୍ଠା ହେବା ଭାରତ ପାଇଁ ଅତ୍ୟନ୍ତ ଜରୁରୀ । ବଦଳୁଥିବା ସୁରକ୍ଷା ବିପଦ ଏବଂ ଜଟିଳ ହେଉଥିବା ବୈଷୟିକ ପରିସ୍ଥିତିକୁ ଦୃଷ୍ଟିରେ ରଖି ଏକ ନୂତନ ପଦ୍ଧତିରେ କାର୍ୟ୍ୟ କରିବାକୁ ସେ ଆହ୍ୱାନ ଦେଇଛନ୍ତି ।
