AK ଦକ୍ଷିଣ କୋଲକାତାର ବାଲିଗଞ୍ଜର ବାସିନ୍ଦା ସୋନା ପପ୍ପୁଙ୍କ ବିରୋଧରେ ଜମି ହଡ଼ପ ଏବଂ ବଟି ଆଦାୟ ସମେତ ଅନେକ ଅଭିଯୋଗ ରହିଛି। ତାଙ୍କ ବିରୋଧରେ ଅସ୍ତ୍ରଶସ୍ତ୍ର ଆଇନ ଅନୁଯାୟୀ ଏକ ମାମଲା ମଧ୍ୟ ରୁଜୁ ହୋଇଛି। ଏହି ଅଭିଯୋଗ ପରେ, ଇଡି ତଦନ୍ତ ଆରମ୍ଭ କରିଛି। ତଦନ୍ତକାରୀ ସଂସ୍ଥାର ଅଧିକାରୀମାନେ ସେହି ମାମଲାରେ ବ୍ୟବସାୟୀ ଜୟ କାମଦାରଙ୍କୁ ଗିରଫ କରିସାରିଛନ୍ତି। ସେହି ମାମଲାରୁ ସଂଗୃହୀତ ସୂଚନା ଆଧାରରେ, ଇଡି ଚଳିତ ମାସରେ ଶାନ୍ତନୁଙ୍କ ଫର୍ଣ୍ଣ ରୋଡ୍ ସ୍ଥିତ ଘରେ ଚଢାଉ କରିଥିଲା। ତଦନ୍ତ ଆରମ୍ଭ ହେବା ପରଠାରୁ ତାଙ୍କୁ ସାଧାରଣରେ ଆଉ ଦେଖାଯାଇ ନାହିଁ। ଇଡି ସୋନା ପପ୍ପୁ ମାମଲା ସହିତ ଜଡିତ ଶାନ୍ତନୁ ଏବଂ ତାଙ୍କ ଦୁଇ ପୁଅ ସାୟନ୍ତନ ଏବଂ ମନୀଷଙ୍କୁ ସିଜିଓ କମ୍ପ୍ଲେକ୍ସକୁ ଡକାଇଥିଲା। ତେବେ ସେହି ଦିନ ସେମାନଙ୍କ ମଧ୍ୟରୁ କେହି ଇଡି କାର୍ୟ୍ୟାଳୟକୁ ଯାଇ ନଥିଲେ। ପଶ୍ଚିମବଙ୍ଗରେ କ୍ଷମତା ପରିବର୍ତ୍ତନ ସହିତ ଦୁର୍ନୀତିଗ୍ରସ୍ତଙ୍କ ଉପରେ ଆଇନ ବ୍ୟବସ୍ଥା କଡ଼ାକଡ଼ି ହେବା ଆରମ୍ଭ ହୋଇଛି।
କୋଲକାତା ଡେପୁଟି ପୁଲିସ କମିସନର (ଡିସିପି) ଶାନ୍ତନୁ ସିହ୍ନା ବିଶ୍ୱାସଙ୍କ ବିରୋଧରେ ଲୁକଆଉଟ୍ ନୋଟିସ୍ ଜାରି କରାଯାଇଛି। ଡିସିପି ଶାନ୍ତନୁଙ୍କ ବିରୋଧରେ ଇଡି ଏହି ଲୁକଆଉଟ୍ ନୋଟିସ୍ ଜାରି କରିଛି। ସୋନା ପପ୍ପୁ ମାମଲା ସହିତ ଜଡିତ ମନି ଲଣ୍ଡରିଂ ମାମଲାରେ ଇଡି ଏହି କାର୍ୟ୍ୟାନୁଷ୍ଠାନ ଗ୍ରହଣ କରିଛି। ଇଡି ସନ୍ଦେହ କରୁଛି ଯେ, ଡିସିପି ଶାନ୍ତନୁ ଦେଶ ଛାଡି ପଳାଇବାକୁ ପ୍ରସ୍ତୁତ ହେଉଛନ୍ତି। ତେଣୁ, ଇଡି ଡିସିପି ଶାନ୍ତନୁଙ୍କ ବିରୋଧରେ ଲୁକଆଉଟ୍ ନୋଟିସ୍ ଜାରି କରିଛି। ପୂର୍ବରୁ, ପଶ୍ଚିମବଙ୍ଗ ରାଜ୍ୟରେ ଦ୍ୱିତୀୟ ଏବଂ ଶେଷ ପର୍ୟ୍ୟାୟ ଭୋଟ୍ ହେବାର ଠିକ୍ ଗୋଟିଏ ଦିନ ପୂର୍ବରୁ, ପ୍ରବର୍ତ୍ତନ ନିର୍ଦ୍ଦେଶାଳୟ ସୋନା ପପ୍ପୁ ସହ ଜଡିତ ଏକ ସିଣ୍ଡିକେଟ୍ ମାମଲାରେ ପଚରାଉଚରା ପାଇଁ ଶାନ୍ତନୁଙ୍କୁ ପୁନର୍ବାର ସମନ କରିଥିଲା। ଇଡି ଅଧିକାରୀଙ୍କ ଅନୁଯାୟୀ, ସୋନା ପପ୍ପୁ ଓରଫ ବିଶ୍ୱଜିତ ପୋଦ୍ଦାର ଦ୍ୱାରା ପରିଚାଳିତ ଏକ ଅପରାଧିକ ସିଣ୍ଡିକେଟ୍ ବିରୋଧରେ ମନି ଲଣ୍ଡରିଂ ତଦନ୍ତର ଅଂଶ ଭାବରେ ତାଙ୍କୁ ସମନ କରାଯାଇଥିଲା। ଦକ୍ଷିଣ କୋଲକାତାର ବାଲିଗଞ୍ଜର ବାସିନ୍ଦା ସୋନା ପପ୍ପୁଙ୍କ ବିରୋଧରେ ଜମି ହଡ଼ପ ଏବଂ ବଟି ଆଦାୟ ସମେତ ଅନେକ ଅଭିଯୋଗ ରହିଛି। ତାଙ୍କ ବିରୋଧରେ ଅସ୍ତ୍ରଶସ୍ତ୍ର ଆଇନ ଅନୁଯାୟୀ ଏକ ମାମଲା ମଧ୍ୟ ରୁଜୁ ହୋଇଛି। ଏହି ଅଭିଯୋଗ ପରେ, ଇଡି ତଦନ୍ତ ଆରମ୍ଭ କରିଛି। ତଦନ୍ତକାରୀ ସଂସ୍ଥାର ଅଧିକାରୀମାନେ ସେହି ମାମଲାରେ ବ୍ୟବସାୟୀ ଜୟ କାମଦାରଙ୍କୁ ଗିରଫ କରିସାରିଛନ୍ତି। ସେହି ମାମଲାରୁ ସଂଗୃହୀତ ସୂଚନା ଆଧାରରେ, ଇଡି ଚଳିତ ମାସରେ ଶାନ୍ତନୁଙ୍କ ଫର୍ଣ୍ଣ ରୋଡ୍ ସ୍ଥିତ ଘରେ ଚଢାଉ କରିଥିଲା। ତଦନ୍ତ ଆରମ୍ଭ ହେବା ପରଠାରୁ ତାଙ୍କୁ ସାଧାରଣରେ ଆଉ ଦେଖାଯାଇ ନାହିଁ। ଇଡି ସୋନା ପପ୍ପୁ ମାମଲା ସହିତ ଜଡିତ ଶାନ୍ତନୁ ଏବଂ ତାଙ୍କ ଦୁଇ ପୁଅ ସାୟନ୍ତନ ଏବଂ ମନୀଷଙ୍କୁ ସିଜିଓ କମ୍ପ୍ଲେକ୍ସକୁ ଡକାଇଥିଲା। ତେବେ ସେହି ଦିନ ସେମାନଙ୍କ ମଧ୍ୟରୁ କେହି ଇଡି କାର୍ୟ୍ୟାଳୟକୁ ଯାଇ ନଥିଲେ।
କିଛି ଦିନ ପୂର୍ବେ, ଏକ ବାଲି ଚୋରା ଚାଲାଣ ମାମଲାର ତଦନ୍ତ ପାଇଁ ଇଡି ଭବାନୀପୁରର କାଲିଘାଟ ଥାନାର ପୂର୍ବତନ ଇନଚାର୍ଜ ଶାନ୍ତନୁଙ୍କୁ ସମନ କରିଥିଲା। କିନ୍ତୁ, ସେ ଇଡି ଅଧିକାରୀଙ୍କ ସମ୍ମୁଖରେ ହାଜର ହୋଇନଥିଲେ। ବରଂ ତାଙ୍କ ଓକିଲ ଇଡି କାର୍ୟ୍ୟାଳୟକୁ ଯାଇଥିଲେ। ଇଡି ଏକ ବାଲି ଚୋରା ଚାଲାଣ ମାମଲାରେ ଆର୍ଥିକ ଠକେଇ ଅଭିଯୋଗର ତଦନ୍ତ କରୁଛି। ସୂଚନା ମିଳିଛି ଯେ, କେନ୍ଦ୍ରୀୟ ତଦନ୍ତକାରୀ ସଂସ୍ଥାର ଅଧିକାରୀମାନେ ଏହି ମାମଲାରେ ଶାନ୍ତନୁଙ୍କୁ ପଚରାଉଚରା କରିବାକୁ ଚାହୁଁଛନ୍ତି।
