AK ଏସଫାହାନି କହିଛନ୍ତି, ଇରାନର ଭିତ୍ତିଭୂମିକୁ ଯେକୌଣସି ପ୍ରକାରର କ୍ଷତିକୁ ସମର୍ଥନ କରୁଥିବା ଦେଶଗୁଡ଼ିକ ବିରୋଧରେ ଇରାନ ଚାରି ଗୁଣା ପ୍ରତିଶୋଧ ନେବ । ଏହି ଚେତାବନୀ ଆମେରିକା ରାଷ୍ଟ୍ରପତି ଡୋନାଲ୍ଡ ଟ୍ରମ୍ପଙ୍କ ମନ୍ତବ୍ୟ ପରେ ଆସିଛି ଯେଉଁଥିରେ ସେ ଇରାନର ତୈଳ କ୍ଷେତ୍ର ଉପରେ ଚାପ ପକାଇବା ବିଷୟରେ କହିଥିଲେ । ଇରାନର ଉପରାଷ୍ଟ୍ରପତି ଇସମାଇଲ ସାଘାବ ଏସଫାହାନି ଉପସାଗରୀୟ ଦେଶଗୁଡ଼ିକରେ ବିନାଶର ଧମକ ଦେଇଛନ୍ତି । ଏସଫାହାନି କହିଛନ୍ତି, ଇରାନର ଭିତ୍ତିଭୂମିକୁ ଯେକୌଣସି ପ୍ରକାରର କ୍ଷତିକୁ ସମର୍ଥନ କରୁଥିବା ଦେଶଗୁଡ଼ିକ ବିରୋଧରେ ଇରାନ ଚାରି ଗୁଣା ପ୍ରତିଶୋଧ ନେବ ।
ଏହି ଚେତାବନୀ ଆମେରିକା ରାଷ୍ଟ୍ରପତି ଡୋନାଲ୍ଡ ଟ୍ରମ୍ପଙ୍କ ମନ୍ତବ୍ୟ ପରେ ଆସିଛି ଯେଉଁଥିରେ ସେ ଇରାନର ତୈଳ କ୍ଷେତ୍ର ଉପରେ ଚାପ ପକାଇବା ବିଷୟରେ କହିଥିଲେ । ଏସଫାହାନି କହିଛନ୍ତି, ଇରାନ ଉପରେ ଯେକୌଣସି ଆକ୍ରମଣର କଡ଼ା ଜବାବ୍ ଦିଆଯିବ । ସେ ସୋସିଆଲ ମିଡିଆ ପ୍ଲାଟଫର୍ମ ଏକ୍ସରେ ଲେଖିଛନ୍ତି, ଯଦି ଇରାନର ଭିତ୍ତିଭୂମିର କୌଣସି ଅଂଶ କ୍ଷତିଗ୍ରସ୍ତ ହୁଏ, ତେବେ ଆକ୍ରମଣକାରୀଙ୍କୁ ସମର୍ଥନ କରୁଥିବା ଦେଶଗୁଡ଼ିକର ସମାନ ପ୍ରକାରର ଭିତ୍ତିଭୂମିରେ ଏକ ବଦଳରେ ଚାର ନୀତି ଅନୁସାରେ ଚାରିଗୁଣା ଅଧିକ କ୍ଷତି କରାଯିବ । ଯଦି ହର୍ମୁଜ୍ ନାକାବନ୍ଦୀ ଯୋଗୁଁ ଆମର ଭିତ୍ତିଭୂମିର କୌଣସି ଅଂଶ, ତୈଳ କୂପ କ୍ଷତିଗ୍ରସ୍ତ ହୁଏ, ତେବେ ଆମେ ଗ୍ୟାରେଣ୍ଟି ଦେଉଛୁ, ଆକ୍ରମଣକାରୀଙ୍କୁ ସମର୍ଥନ କରୁଥିବା ଦେଶଗୁଡ଼ିକରେ ସମାନ ଭିତ୍ତିଭୂମିରେ ଚାରି ଗୁଣା ବିନାଶ ଘଟିବ। ସେ ଆହୁରି କହିଛନ୍ତି,ଆମର ଗଣିତ ଭିନ୍ନ। ଆମର ଗୋଟିଏ ତେଲ କୂପ ଚାରୋଟି ତେଲ କୂପ ସହିତ ସମାନ । ଏସଫାହାନିଙ୍କ ମନ୍ତବ୍ୟ ଏପରି ଏକ ସମୟରେ ଆସିଛି ଯେତେବେଳେ ଆମେରିକା ରାଷ୍ଟ୍ରପତି ଡୋନାଲ୍ଡ ଟ୍ରମ୍ପ ଏକ ସାକ୍ଷାତକାରରେ କହିଥିଲେ ଯେ, ଚାପ ଜାରି ରହିବା ଦ୍ଵାରା ଇରାନର ଷ୍ଟୋରେଜ୍ ଟ୍ୟାଙ୍କରକୁ ତେଲ ପରିବହନ କରିବାର କ୍ଷମତା ବାଧାପ୍ରାପ୍ତ ହୋଇପାରେ । ଫକ୍ସ ନ୍ୟୁଜ୍ ସହିତ କଥାବାର୍ତ୍ତା କରି ଟ୍ରମ୍ପ୍ କହିଥିଲେ, ଯଦି କୌଣସି ଚୁକ୍ତି ନହେବ ତେବେ ଇରାନର ପାଇପ୍ ଲାଇନ୍ଗୁଡ଼ିକରେ ତିନି ଦିନ ମଧ୍ୟରେ ବିସ୍ଫୋରଣ ହୋଇପାରେ । ପୂର୍ବରୁ ଟ୍ରମ୍ପ ତାଙ୍କ ଆଲୋଚନାକାରୀଙ୍କୁ ଇସଲାମାବାଦ ଯାତ୍ରା କରିବାକୁ ବାରଣ କରିଥିଲେ । ଏହି ସମୟରେ ଇରାନ ବୈଦେଶିକ ମନ୍ତ୍ରୀ ଆବାସ ଆରାଘଚି ରୁଷ ରାଷ୍ଟ୍ରପତି ପୁଟିନଙ୍କ ସହ କଥାବାର୍ତ୍ତା କରିବାକୁ ମସ୍କୋରେ ପହଞ୍ଚିଛନ୍ତି। ପୂର୍ବରୁ ସେ ରବିବାର ଇସଲାମାବାଦରେ ପହଞ୍ଚିଥିଲେ, ଯାହା ତିନି ଦିନ ମଧ୍ୟରେ ତାଙ୍କର ଦ୍ୱିତୀୟ ଗସ୍ତ ଥିଲା । ଆରାଘଚି ଇସଲାମାବାଦରେ ପାକିସ୍ତାନର ସେନା ମୁଖ୍ୟ ଅସୀମ ମୁନିରଙ୍କ ସହ ସାକ୍ଷାତ କରିଥିଲେ ।
