AK ଯେଉଁଠି ଜଣେ ୧୯ ବର୍ଷୀୟ ପୂର୍ବତନ ଘରୋଇ ସହାୟକ (ଚାକର)ର କ୍ରୁରତା ସମସ୍ତ ସୀମା ଲଂଘି ଯାଇଛି । ଦିଲ୍ଲୀର ଅମର କଲୋନୀ ଅଞ୍ଚଳରେ ଜଣେ ବରିଷ୍ଠ ଆଇଆରଏସ ଅଧିକାରୀଙ୍କ ୨୨ ବର୍ଷୀୟା ଝିଅ, ଯିଏ କି ଜଣେ ମେଧାବୀ ଆଇଆଇଟି ସ୍ନାତକ ଓ ୟୁପିଏସସି ଆଶାୟୀ ଥିଲେ, ତାଙ୍କୁ ତାଙ୍କ ନିଜ ବାସଭବନରେ ଅତି ନିର୍ମମ ଭାବେ ଦୁଷ୍କର୍ମ ଓ ହତ୍ୟା କରାଯାଇଛି । ଦେଶର ରାଜଧାନୀରେ ପୁଣି ଏକ ଲୋମହର୍ଷଣକାରୀ ଅପରାଧିକ ଘଟଣା ସାମ୍ନାକୁ ଆସିଛି, ଯେଉଁଠି ଜଣେ ୧୯ ବର୍ଷୀୟ ପୂର୍ବତନ ଘରୋଇ ସହାୟକ (ଚାକର)ର କ୍ରୁରତା ସମସ୍ତ ସୀମା ଲଂଘି ଯାଇଛି। ଦିଲ୍ଲୀର ଅମର କଲୋନୀ ଅଞ୍ଚଳରେ ଜଣେ ବରିଷ୍ଠ ଆଇଆରଏସ ଅଧିକାରୀଙ୍କ ୨୨ ବର୍ଷୀୟା ଝିଅ, ଯିଏ କି ଜଣେ ମେଧାବୀ ଆଇଆଇଟି ସ୍ନାତକ ଓ ୟୁପିଏସସି ଆଶାୟୀ ଥିଲେ, ତାଙ୍କୁ ତାଙ୍କ ନିଜ ବାସଭବନରେ ଅତି ନିର୍ମମ ଭାବେ ଦୁଷ୍କର୍ମ ଓ ହତ୍ୟା କରାଯାଇଛି ।
ଅଭିଯୁକ୍ତ ରାହୁଲ ମୀନାକୁ ଦ୍ୱାରକାର ଏକ ହୋଟେଲରୁ ଗିରଫ କରାଯାଇଥିବା ବେଳେ ତଦନ୍ତରୁ ଜଣାପଡ଼ିଛି ଯେ, ସେ ମାତ୍ର ୨୪ ଘଣ୍ଟା ମଧ୍ୟରେ ରାଜସ୍ଥାନର ଅଲୱର ଏବଂ ଦିଲ୍ଲୀରେ ଦୁଇଟି ପୃଥକ ଦୁଷ୍କର୍ମ କାଣ୍ଡ ଭିଆଇଥିଲା । ଏହି ଘଟଣାର ସବୁଠାରୁ ଭୟଙ୍କର ଦିଗ ହେଉଛି ଅଭିଯୁକ୍ତର ପୂର୍ବ ଯୋଜନା ଓ ଲୁଟ୍ ପାଇଁ ମୃତ ଛାତ୍ରୀଙ୍କ ଆଙ୍ଗୁଠି ଚିହ୍ନ ବ୍ୟବହାର କରିବାକୁ କରାଯାଇଥିବା ସାଂଘାତିକ ପ୍ରୟାସ । ପୋଲିସ ତଦନ୍ତ ଅନୁଯାୟୀ, ରାହୁଲ ମୀନା ପୂର୍ବରୁ ପ୍ରାୟ ଆଠ ମାସ ଧରି ଏହି ପରିବାରରେ କାମ କରୁଥିଲା ଏବଂ ପ୍ରାୟ ଛଅ ସପ୍ତାହ ପୂର୍ବରୁ ଆର୍ଥିକ ଅନିୟମିତତା ପାଇଁ ତାକୁ କାମରୁ ବାହାର କରିଦିଆଯାଇଥିଲା। ଏହାର ପ୍ରତିଶୋଧ ନେବା ପାଇଁ ସେ ପରିବାରର ଦୈନନ୍ଦିନ ରୁଟିନ୍ ଏବଂ ବ୍ୟବସ୍ଥାର ସମସ୍ତ ଗୁପ୍ତ ତଥ୍ୟକୁ ବ୍ୟବହାର କରିଥିଲା । ମଙ୍ଗଳବାର ଦିନ ଅଲୱରରେ ଜଣେ ସାଙ୍ଗର ପତ୍ନୀଙ୍କୁ ଦୁଷ୍କର୍ମ କରିବା ପରେ ସେ ମୋବାଇଲ୍ ବିକ୍ରି କରି ଦିଲ୍ଲୀ ପଳାଇ ଆସିଥିଲା । ସେ ଜାଣିଥିଲା ଯେ ସକାଳ ସମୟରେ ପରିବାରର ଅନ୍ୟ ସଦସ୍ୟମାନେ ବାହାରକୁ ଯାଆନ୍ତି ଏବଂ ଛାତ୍ରୀଜଣକ ଛାତ ଉପରେ ଥିବା ଷ୍ଟଡି ରୁମରେ ଏକାକୀ ପାଠ ପଢ଼ନ୍ତି । ସେ ଏହା ମଧ୍ୟ ଜାଣିଥିଲା ଯେ ଘର ବାହାରେ ଥିବା ଜୋତା ରାକରେ ଏକ ଅତିରିକ୍ତ ଚାବି ରଖାଯାଏ । ସେହି ଚାବି ସାହାଯ୍ୟରେ ସେ ଚତୁରତାର ସହ ୪ ସ୍ତରୀୟ ସୁରକ୍ଷା ବଳୟକୁ ଭେଦ କରି ଘର ଭିତରକୁ ପ୍ରବେଶ କରି ମାତ୍ର ୪୧ ମିନିଟ୍ ମଧ୍ୟରେ ହତ୍ୟାକାଣ୍ଡ ଭିଆଇ ୭ ଲକ୍ଷ ଟଙ୍କା ଲୁଟି ଫେରାର ହୋଇଯାଇଥିଲା ।
ଅଭିଯୁକ୍ତ କେବଳ ହତ୍ୟାକାରୀ ନୁହେଁ ବରଂ ଏକ ଜଘନ୍ୟ ଅପରାଧିକ ମାନସିକତାର ଶିକାର ଥିଲା। ଘରର ବାୟୋମେଟ୍ରିକ ସେଫ୍ ବା ଲକର ଖୋଲିବା ପାଇଁ ସେ ଅଚେତ ଅବସ୍ଥାରେ ଥିବା ପୀଡ଼ିତାଙ୍କୁ ଘୋଷାଡ଼ି ଘୋଷାଡ଼ି ତଳ ମହଲାକୁ ଆଣିଥିଲା ଏବଂ ତାଙ୍କ ରକ୍ତଭିଜା ଆଙ୍ଗୁଠି ଚିହ୍ନରେ ଲକର ଖୋଲିବାକୁ ଚେଷ୍ଟା କରିଥିଲା । ସଫଳ ନହେବାରୁ ସେ ସ୍କ୍ରୁ-ଡ୍ରାଇଭରରେ ଲକର ଭାଙ୍ଗିଥିଲା ଏବଂ ନିଜର ରକ୍ତଭିଜା ପୋଷାକ ବଦଳାଇ ପୀଡ଼ିତାଙ୍କ ଭାଇଙ୍କ ପୋଷାକ ପିନ୍ଧି ସେଠାରୁ ବାହାରି ଯାଇଥିଲା । ଦିଲ୍ଲୀ ପୋଲିସର ୧୫ଟି ଟିମ୍ ଅତି କମ ସମୟ ମଧ୍ୟରେ ସିସିଟିଭି ଓ ଅଟୋ ଚାଳକଙ୍କ ସୂଚନା ଆଧାରରେ ତାକୁ ଗିରଫ କରିବାରେ ସଫଳ ହୋଇଥିଲେ ସୁଦ୍ଧା, ଏହି ଘଟଣା ସହରୀ ସୁରକ୍ଷା ବ୍ୟବସ୍ଥା ଉପରେ ଏକ ବଡ଼ ପ୍ରଶ୍ନବାଚୀ ସୃଷ୍ଟି କରିଛି। ବିଶେଷଜ୍ଞଙ୍କ ମତରେ, ଘରୋଇ ସହାୟକଙ୍କୁ ନିଯୁକ୍ତି ଦେବା ବେଳେ ପୋଲିସ ଭେରିଫିକେସନ୍ ଏବଂ ପରିବାରର ଗୁପ୍ତ ସୂଚନା ସେମାନଙ୍କୁ ନ ଜଣାଇବା କେତେ ଗୁରୁତ୍ୱପୂର୍ଣ୍ଣ, ତାହା ଏହି ଲୋମହର୍ଷଣକାରୀ ଘଟଣାରୁ ସ୍ପଷ୍ଟ ହେଉଛି ।
