ଏ.କେ. ବ୍ୟୁରୋ : ନୂଆ ଚିଫ୍ ଅଫ୍ ଡିଫେନ୍ସ ଷ୍ଟାଫ୍ ହେଇଛନ୍ତି ଲେଫ୍ଟନାଣ୍ଟ ଜେନେରାଲ୍ ଏନ୍.ଏସ୍ ରାଜା ସୁବ୍ରମଣି। CDS ସହ ସାମରିକ ବ୍ୟାପାର ବିଭାଗର ସଚିବ ଭାବେ ମଧ୍ୟ ତାଙ୍କୁ ଦାୟିତ୍ବ ଦେଇଛନ୍ତି କେନ୍ଦ୍ର ସରକାର।
ବର୍ତ୍ତମାନର CDS ଅନୀଲ ଚୌହ୍ବାନଙ୍କ କାର୍ଯ୍ୟକାଳ ଆସନ୍ତା ୩୦ରେ ଶେଷ ହେଉଛି। ସୁବ୍ରମଣି ବର୍ତ୍ତମାନ ଜାତୀୟ ସୁରକ୍ଷା ପରିଷଦ ସଚିବାଳୟର ସାମରିକ ପରାମର୍ଶଦାତା ଅଛନ୍ତି। ପୂର୍ବରୁ ସେ ସେନା ଉପାଧ୍ୟକ୍ଷ ଥିଲେ। ୨୦୨୪ ପର୍ଯ୍ୟନ୍ତ କେନ୍ଦ୍ରୀୟ କମାଣ୍ଡର ଜେନେରାଲ ଅଫିସ୍ ର କମାଣ୍ଡିଂ-ଇନ୍-ଚିଫ୍ ବି ସେ ଥିଲେ।
ପୁଣେ ଏନଡିଏ ଓ ପରେ ଡେରାଡୁନ୍ ଇଣ୍ଡିଆନ୍ ମିଲିଟାରୀ ଏକାଡେମୀରୁ ପାସ୍ ହୋଇଛନ୍ତି ଲେଫ୍ଟନାଣ୍ଟ ଜେନେରାଲ୍ ଏନ୍.ଏସ୍ ରାଜା। ୧୯୮୫ରେ ଗରୱାଲ୍ ରାଇଫଲସରେ ଯୋଗ ଦେଇଥିଲେ।
ଲକ୍ଷ୍ନୌରେ ସେଣ୍ଟ୍ରାଲ୍ ଆର୍ମି କମାଣ୍ଡର ଭାବେ ଦୀର୍ଘ ଦିନର ଅଭିଜ୍ଞତା ରହିଛି। ଉତ୍ତର ଭାରତ ଓ ସୀମାବର୍ତ୍ତି ଅଞ୍ଚଳରେ ସୁରକ୍ଷା, ଗୁଇନ୍ଦା ଏବଂ ଅପରେସନର ଅଦ୍ଭୁତ ଦକ୍ଷତା ରହିଛି ଲେଫ୍ଟନାଣ୍ଟ ଜେନେରାଲ୍ ସୁବ୍ରମଣିଙ୍କ ପାଖରେ।
