AK ଆମେରିକା ରାଷ୍ଟ୍ରପତି ଡୋନାଲ୍ଡ ଟ୍ରମ୍ପ ଇରାନକୁ ଏକ ନୂଆ ଧମକ ଦେଇଛନ୍ତି। ସେ କହିଛନ୍ତି ଯେ, ଯୁଦ୍ଧ ସମାପ୍ତ କରିବା ପାଇଁ ଏକ ଚୁକ୍ତିରେ ରାଜି ହେବା ଲାଗି ଇରାନ ପାଖରେ ଆଉ କେବଳ ତିନି ଦିନ ଅଛି । ସେ କହିଛନ୍ତି ଯେ, ଯୁଦ୍ଧ ସମାପ୍ତ କରିବା ପାଇଁ ଏକ ଚୁକ୍ତିରେ ରାଜି ହେବା ଲାଗି ଇରାନ ପାଖରେ ଆଉ କେବଳ ତିନି ଦିନ ଅଛି। ନଚେତ୍ ଏହାର ତୈଳ ପାଇପ୍ ଲାଇନ୍ଗୁଡ଼ିକରେ ବିସ୍ଫୋରଣ ହେବ। ଫକ୍ସ ନ୍ୟୁଜ୍ ସହିତ କଥାବାର୍ତ୍ତା କରି ଟ୍ରମ୍ପ ଚେତାବନୀ ଦେଇଛନ୍ତି, ଯଦି ଇରାନ ତେଲ ରପ୍ତାନି ଜାରି ରଖିବାରେ ବିଫଳ ହୁଏ,
ତେବେ ପାଇପ୍ଲାଇନ୍ଗୁଡ଼ିକ ଯାନ୍ତ୍ରିକ ଏବଂ ପ୍ରାକୃତିକ କାରଣ ଯୋଗୁ କ୍ଷତିଗ୍ରସ୍ତ ହେବ। ଟ୍ରମ୍ପ ଏହା ମଧ୍ୟ କହିଛନ୍ତି ଯେ, ପାଇପ୍ ଲାଇନ୍ ଫାଟିଗଲେ, ଇରାନ ଏହାକୁ ମୂଳ କ୍ଷମତାରେ ପୁନଃନିର୍ମାଣ କରିପାରିବ ନାହିଁ। ଏହା କେବଳ ପୂର୍ବ ଉତ୍ପାଦନ କ୍ଷମତାର ୫୦% ରେ କାର୍ଯ୍ୟ କରିପାରିବ। ଯଦି ଇରାନ ଆଲୋଚନା କରିବାକୁ ଚାହୁଁଛି, ତେବେ ସେ ଆମେରିକା ସହିତ ଯୋଗାଯୋଗ କରିପାରିବ। ଟ୍ରମ୍ପ କହିଛନ୍ତି, ଯଦି ସେମାନେ କଥାବାର୍ତ୍ତା କରିବାକୁ ଚାହାଁନ୍ତି, ତେବେ ସେମାନେ ଆମ ପାଖକୁ ଆସିପାରିବେ, କିମ୍ବା ଆମକୁ କଲ୍ କରିପାରିବେ । ଆମର ଭଲ, ସୁରକ୍ଷିତ ଫୋନ୍ ଲାଇନ ଅଛି ବୋଲି ଟ୍ରମ୍ପ କହିଛନ୍ତି ।
ଟ୍ରମ୍ପଙ୍କ ସଦ୍ୟତମ ଧମକ ଇରାନ ବୈଦେଶିକ ମନ୍ତ୍ରୀ ଆବାସ ଆରାଘଚି ଇସଲାମାବାଦ ଫେରିବା ପରେ ଆସିଛି, ଯେଉଁଠାରେ ସେ ପାକିସ୍ତାନର ସେନା ମୁଖ୍ୟ ଫିଲ୍ଡ ମାର୍ଶାଲ ଅସୀମ ମୁନିରଙ୍କ ସହ ସାକ୍ଷାତ କରିଥିଲେ । ତିନି ଦିନ ମଧ୍ୟରେ ଏହା ଆରାଘଚିଙ୍କର ଦ୍ୱିତୀୟ ପାକିସ୍ତାନ ଗସ୍ତ । ପୂର୍ବରୁ ସେ ଶୁକ୍ରବାର ରାତିରେ ପାକିସ୍ତାନରେ ପହଞ୍ଚିଥିଲେ ଏବଂ ଶନିବାର ଶାହବାଜ ସରିଫ, ଅସୀମ ମୁନିର ଏବଂ ବରିଷ୍ଠ ଅଧିକାରୀଙ୍କ ସହ ସାକ୍ଷାତ କରିଥିଲେ । ତାପରେ ସେ ଓମାନ ଯାତ୍ରା କରିଥିଲେ ।
