AK ସ୍ମାର୍ଟ ସିଟିର ବିକଳ ଚିତ୍ର । ରାଜଧାନୀର ପ୍ରମୁଖ ଅଞ୍ଚଳ କୁହାଯାଉଥିବା ବମିଖାଲ ଏବେ ନର୍ଦ୍ଦମା ପାଣିରେ କବଳିତ । ବର୍ଷ ବର୍ଷ ଧରି ଏଠାରେ ଡ୍ରେନେଜ୍ ସମସ୍ୟା ଉତ୍କଟ ରୂପ ଧାରଣ କରିଥିବା ବେଳେ, ସାମାନ୍ୟ ବର୍ଷା ହେଲେ ରାସ୍ତା ଉପରେ ଲହଡ଼ି ଭାଙ୍ଗୁଛି ଅପରିଷ୍କାର ଜଳ ।
ସ୍ମାର୍ଟ ସିଟିର ବିକଳ ଚିତ୍ର। ରାଜଧାନୀର ପ୍ରମୁଖ ଅଞ୍ଚଳ କୁହାଯାଉଥିବା ବମିଖାଲ ଏବେ ନର୍ଦ୍ଦମା ପାଣିରେ କବଳିତ । ବର୍ଷ ବର୍ଷ ଧରି ଏଠାରେ ଡ୍ରେନେଜ୍ ସମସ୍ୟା ଉତ୍କଟ ରୂପ ଧାରଣ କରିଥିବା ବେଳେ, ସାମାନ୍ୟ ବର୍ଷା ହେଲେ ରାସ୍ତା ଉପରେ ଲହଡ଼ି ଭାଙ୍ଗୁଛି ଅପରିଷ୍କାର ଜଳ । ଫଳରେ ସ୍ଥାନୀୟ ବାସିନ୍ଦା ଓ ପଥଚାରୀମାନେ ନାହିଁ ନଥିବା ନର୍କ ଯନ୍ତ୍ରଣା ଭୋଗୁଛନ୍ତି । ଦୀର୍ଘ ଦିନ ଧରି ଡ୍ରେନ୍ ସଫା କରାଯାଉ ନଥିବାରୁ ଏହା ଆବର୍ଜନାରେ ଭର୍ତ୍ତି ହୋଇ ରହିଛି। ଜଳ ନିଷ୍କାସନ ପାଇଁ ବାଟ ନଥିବାରୁ ପାଣି ଜମୁଛି । ସ୍ଥିତି ଏମିତି ହୋଇଛି ଯେ । ବର୍ଷା ହେଲେ ପାଣି ଉଛୁଳି ମୁଖ୍ୟ ରାସ୍ତାକୁ ଭସାଇ ଦେଉଛି। ଯାହାଦ୍ୱାରା ଯାତାୟାତ ସମ୍ପୂର୍ଣ୍ଣ ବାଧାପ୍ରାପ୍ତ ହେଉଛି । ପ୍ରଶାସନ ପକ୍ଷରୁ ଏବେ ଡ୍ରେନ୍ ମରାମତି କାମ ଆରମ୍ଭ ହୋଇଛି ସତ, କିନ୍ତୁ ଏହାର ଗତି ଅତି ମନ୍ଥର । କାମ କେବେ ସରିବ, ସେ ନେଇ କୌଣସି ସ୍ପଷ୍ଟ ସୂଚନା ନାହିଁ । ଖୋଲା ଡ୍ରେନ୍ ଓ ରାସ୍ତାରେ ଜମି ରହୁଥିବା ଦୂଷିତ ପାଣି ଯୋଗୁଁ ବିଭିନ୍ନ ପ୍ରକାରର ସଂକ୍ରାମକ ରୋଗ ବ୍ୟାପିବା ନେଇ ଲୋକେ ଭୟଭୀତ ଅଛନ୍ତି ।
