AK ସବୁଠୁ ମଜାଦାର କଥା ହେଉଛି ଯାହାକୁ ସମସ୍ତେ ବାଛୁରୀ ଭାବୁଥିଲେ ସେମାନେ ବାଛୁରୀ ନୁହେଁ ବରଂ ଆନ୍ଧ୍ରପ୍ରଦେଶର ପୁଙ୍ଗାନୁର ପ୍ରଜାତିର ଗାଈ ଥିଲେ । ଏହା ପରେ ଭାରତର ଅନେକ ଲୋକ ଏହି ପୁଙ୍ଗାନୁର ପ୍ରଜାତିର କୁନି ଗାଈକୁ କିଣିଥିଲେ । ଦୁଇ ବର୍ଷ ତଳେ ଅର୍ଥାତ ୨୦୨୪ ମସିହା ମକର ସଂକ୍ରାନ୍ତି ଅବସରରେ ପ୍ରଧାନମନ୍ତ୍ରୀ ନରେନ୍ଦ୍ର ମୋଦୀ ତାଙ୍କ ବାସଭବନରେ କିଛି ବାଛୁରୀଙ୍କୁ ଚାରା ଖାଇବାକୁ ଦେଉଥିବାର ଫଟୋ ସୋସିଆଲ୍ ମିଡିଆରେ ଭାଇରାଲ୍ ହୋଇଥିଲା । ସମସ୍ତେ ପ୍ରଧାନମନ୍ତ୍ରୀଙ୍କ ପଶୁଙ୍କ ପ୍ରତି ଥିବା ପ୍ରେମକୁ ଖୁବ୍ ପସନ୍ଦ କରିଥିଲେ । ସବୁଠୁ ମଜାଦାର କଥା ହେଉଛି ଯାହାକୁ ସମସ୍ତେ ବାଛୁରୀ ଭାବୁଥିଲେ ସେମାନେ ବାଛୁରୀ ନୁହେଁ ବରଂ ଆନ୍ଧ୍ରପ୍ରଦେଶର ପୁଙ୍ଗାନୁର ପ୍ରଜାତିର ଗାଈ ଥିଲେ । ଏହା ପରେ ଭାରତର ଅନେକ ଲୋକ ଏହି ପୁଙ୍ଗାନୁର ପ୍ରଜାତିର କୁନି ଗାଈକୁ କିଣିଥିଲେ । ଦେଖିବାକୁ କ୍ୟୁଟ୍ ଏହି ଗାଈକୁ ସହାରନପୁରର ପଶୁପ୍ରେମୀ ରାଜେନ୍ଦ୍ର ଅଟଳ ମଧ୍ୟ କିଣିଥିଲେ ।
ପଶୁ ଏବଂ ପକ୍ଷୀମାନଙ୍କ ପ୍ରତି ମନରେ ପ୍ରେମ ରଖୁଥିବା ରାଜେନ୍ଦ୍ରଙ୍କ ପାଖରେ ପୂର୍ବରୁ ବିଭିନ୍ନ ପ୍ରକାରର ପଶୁ ଅଛନ୍ତି କିନ୍ତୁ ପ୍ରଧାନମନ୍ତ୍ରୀ ନରେନ୍ଦ୍ର ମୋଦିଙ୍କୁ ଏହି ଛୋଟ ଗାଈ ପ୍ରତି ସ୍ନେହ ଦେଖାଇବା ଦେଖି ତାଙ୍କ ଜୀବନ ଏକ ନୂଆ ମୋଡ଼ ନେଇଥିଲା । ଏହି ଦୃଶ୍ୟ ତାଙ୍କ ପାଇଁ ପ୍ରେରଣା ପାଲଟିଥିଲା ଏବଂ ସେ ନିଜେ ଏହି ଅନନ୍ୟ ପ୍ରଜାତିର ଗାଈ ପାଳନ କରିବାକୁ ନିଷ୍ପତ୍ତି ନେଇଥିଲେ । ରାଜେନ୍ଦ୍ର ପରେ ମଧ୍ୟପ୍ରଦେଶରୁ “ପୁଙ୍ଗାନୁର” ପ୍ରଜାତିର ଗାଈ କିଣି ଘରକୁ ଆଣିଥିଲେ । ଯାହାକୁ ବିଶ୍ୱର ସବୁଠାରୁ ଛୋଟ ଗାଈ ମଧ୍ୟରୁ ଗୋଟିଏ ବୋଲି କୁହାଯାଏ । ପ୍ରାୟ ଅଢ଼େଇ ଫୁଟ ଉଚ୍ଚତା ବିଶିଷ୍ଟ ଏହି ଗାଈ ଦେଖିବାକୁ ଯେତିକି ଆକର୍ଷଣୀୟ, ପ୍ରକୃତିରେ ସେତିକି ଶାନ୍ତ ଏବଂ ଛୋଟ ପିଲାଙ୍କ ପରି ଚଞ୍ଚଳ । ରାଜେନ୍ଦ୍ର କୁହନ୍ତି ଯେ ଏହି ଗାଈ ଶୀଘ୍ର ଲୋକଙ୍କୁ ଆକର୍ଷିତ କରେ ଏବଂ ଅନ୍ୟ ଗୃହପାଳିତ ପଶୁମାନଙ୍କ ପରି ସେମାନଙ୍କ ସହିତ ସହଜରେ ମିଶିଯାଏ । ରାଜେନ୍ଦ୍ରଙ୍କ ଲକ୍ଷ୍ୟ ଏବେ ସାହାରାନପୁରରେ ହିଁ ଏହି ପ୍ରଜାତିକୁ ବିକଶିତ କରିବା,ଯାହା ଦ୍ୱାରା ଆଗ୍ରହୀ ଗ୍ରାହକମାନଙ୍କ ପାଇଁ ଏହା ସହଜରେ ଉପଲବ୍ଧ ହୋଇପାରିବ । ଏହି ଛୋଟ ଗାଈର ବିଶେଷତ୍ୱ କେବଳ ଆକାର ନୁହେଁ ବରଂ ଏହାର କ୍ଷୀର ମଧ୍ୟ ବହୁତ ଟେଷ୍ଟି ଏବଂ ମହଙ୍ଗା । ଯାହା ବଜାରରେ ପ୍ରତି ଲିଟର ହଜାର ଟଙ୍କାରୁ ଅଧିକ ମୂଲ୍ୟରେ ବିକ୍ରି ହେଉଛି । ଏହାର ଅର୍ଥ ହେଉଛି ମୂଲ୍ୟ ଦୃଷ୍ଟିରୁ ପୁଙ୍ଗାନୁର ଗାଈର କ୍ଷୀର ବାଦାମ ଭଳି ମହଙ୍ଗା ଖାଦ୍ୟ ସାମଗ୍ରୀକୁ ମଧ୍ୟ ପଛରେ ପକାଇଥାଏ । ଧାର୍ମିକ ବିଶ୍ୱାସ ଅନୁସାରେ, ଶିବଲିଙ୍ଗରେ ଅଭିଷେକ ପାଇଁ ଏହି ଗାଈ କ୍ଷୀରର ବ୍ୟବହାରକୁ ମଧ୍ୟ ବହୁତ ଶୁଭ ବୋଲି କୁହାଯାଏ ଯେଉଁଥିପାଇଁ ଏହାର ଚାହିଦା ଆହୁରି ବଢ଼ିଛି ।
