ଏ.କେ ବ୍ୟୁରୋ : କିନ୍ତୁ ଗୋଟିଏ ସର୍ତ୍ତ ରଖିଥିଲେ । ଭଗବାନ ଶିବ କହିଲେ ଯେ ସେ ତାଙ୍କର କାମନା ଲିଙ୍ଗ ନାମରେ ପରିଚିତ ଶିବଲିଙ୍ଗକୁ କୌଣସି ସ୍ଥାନରେ ଭୂମିରେ ରଖିବେ ନାହିଁ । ରାବଣ ଏହି ସର୍ତ୍ତ ରାଜି ହେଲେ ଏବଂ ଶିବଲିଙ୍ଗ ସହିତ ଲଙ୍କା ଅଭିମୁଖେ ଯାତ୍ରା କଲେ ।
ଏହା ଦେଖି ଦେବତାମାନଙ୍କ ଚିନ୍ତା ବଢିଗଲା । ଯଦି ରାବଣ ଶିବଲିଙ୍ଗକୁ ଲଙ୍କା ନେଇଯାଏ ତେବେ ସେ ଆହୁରି ଶକ୍ତିଶାଳୀ ହୋଇଯିବେ । ତା ପରେ ଦେବତାମାନେ ବିଷ୍ଣୁଙ୍କ ସାହାଯ୍ୟ ଲୋଡିଲେ । ଭଗବାନ ବିଷ୍ଣୁ ଏକ ଗୋପାଳ ରୂପ ଧାରଣ କଲେ ଏବଂ ରାସ୍ତାରେ ରାବଣଙ୍କ ସମ୍ମୁଖରେ ଉପସ୍ଥିତ ହେଲେ । ଯାହା ଫଳରେ ରାବଣ ପରିସ୍ରା କରିବାକୁ ଇଚ୍ଛା ବଳାଇଲେ । ସେ ଗୋପାଳଙ୍କୁ କିଛି ସମୟ ପାଇଁ ଶିବଲିଙ୍ଗଙ୍କୁ ଧରି ରଖିବାକୁ ଏବଂ ଭୂମିରେ ନ ରଖିବାକୁ କହିଥିଲେ । ରାବଣ ଚାଲିଯିବା ପରେ ଭଗବାନ ବିଷ୍ଣୁ ଗୋପାଳ ବେଶରେ କିଛି ସମୟ ପାଇଁ ଶିବଲିଙ୍ଗଙ୍କୁ ଧରି ରଖିଥିଲେ । କିନ୍ତୁ ଓଜନ ଅଧିକ ଲାଗିବାରୁ ଶେଷରେ ଭୂମରେ ରଖିଦେଇଥିଲେ । ରାବଣ ଫେରି ଆସିବା ପରେ ସେ ଦେଖିଲେ ଯେ ଶିବଲିଙ୍ଗ ପୂର୍ବରୁ ସ୍ଥାନରେ ସ୍ଥିର ହୋଇସାରିଛି । ସେ ଏହାକୁ ଉଠାଇବାକୁ ବହୁତ ଚେଷ୍ଟା କଲେ କିନ୍ତୁ ଏହା ସେହି ସ୍ଥାନରୁ ଘୁଞ୍ଚିନଥିଲା । ଯେଉଁ ସ୍ଥାନ ବର୍ତ୍ତମାନ ଝାଡ଼ଖଣ୍ଡ ଦେଓଘରରେ ଥିବା ପ୍ରସିଦ୍ଧ ବୈଦ୍ୟନାଥ ଧାମ ନାମରେ ଜଣାଶୁଣା । ଯାହା ୧୨ ଟି ଜ୍ୟୋତିର୍ଲିଙ୍ଗଙ୍କ ମଧ୍ୟରୁ ଗୋଟିଏ ।
ତେଣୁ କାଉଡିଆ ପରମ୍ପରାକୁ ନେଇ ଅନେକ ବିଶ୍ବାସ ରହିଛି । କୁହାଯାଏ ଭଗବାନ ବିଷ୍ଣୁଙ୍କ ୬ଷ୍ଠ ଅବତାର ପର୍ଶୁରାମ ପ୍ରଥମେ କାଉଡିଆ ଯାତ୍ରା କରିଥିଲେ । ସେ ଗର୍ଭମୁକ୍ତେଶ୍ବରରୁ ଗଙ୍ଗା ଜଳ ଆଣିଥିଲେ ଏବଂ ଉତ୍ତରପ୍ରଦେଶର ବାଗପତରେ ଥିବା ପୁରା ମହାଦେବ ମନ୍ଦିରରେ ଭଗବାନ ଶିବଙ୍କୁ ଅଭିଷେକ କରିଥିଲେ । ଏହି କାରଣରୁ ଭଗବାନ ବିଷ୍ଣୁଙ୍କୁ ପ୍ରଥମ କାଉଡିଆ ଭାବେ ମନାଯାଉଥିଲା । ତ୍ରେତୟା ଯୁଗର ଶ୍ରବଣ କୁମାରଙ୍କ କାହାଣୀ ମଧ୍ୟ ଖୁବ୍ ଜଣାଶୁଣା । ସେ ତାଙ୍କ ଅନ୍ଧ ପିତାମାତାଙ୍କର ଗଙ୍ଗାରେ ସ୍ନାନ ଇଚ୍ଛା କରୁଥିବାରୁ କାନ୍ଧରେ ବୋହି ତୀର୍ଥଯାତ୍ରା ପାଇଁ ନେଇଯାଇଥିଲେ । ଯାହା ଶ୍ରବଣ କୁମାର ପୂର୍ଣ୍ଣ କରିଥିଲେ । ସେଠାରୁ ଫେରିବା ପରେ ଗଙ୍ଗା ଜଳ ଆଣି ଶିବ ମନ୍ଦିରରେ ଅର୍ପଣ କରିଥିଲେ । ଏହି କାରଣରୁ ଏହି ଯାତ୍ରା ସହ କାଉଡିଆ ଯାତ୍ରା ଜଡିତ ।
