ଏ.କେ ବ୍ୟୁରୋ : ଭାରତୀୟ ମହିଳା କ୍ରିକେଟ ଦଳ ଲଣ୍ଡନର ଲର୍ଡସ ମଇଦାନରେ ଐତିହାସିକ ସଫଳତା ହାସଲ କରିଛି । ଲଡର୍ସରେ ପ୍ରଥମ ଥର ପାଇଁ ଆୟୋଜିତ ହୋଇଥିବା ମହିଳା ଟେଷ୍ଟ ମ୍ୟାଚରେ ଭାରତ ଇଂଲଣ୍ଡକୁ ୨୭୦ ରନରେ ହରାଇ ରେକର୍ଡ ହାସଲ କରିଛି । ଏକ ରୋମାଞ୍ଚକର ମ୍ୟାଚରେ ଘରୋଇ ଇଂଲଣ୍ଡ ଦଳକୁ ପରାସ୍ତ କରି ଭାରତୀୟ ମହିଳା ଟିମ୍ ଲର୍ଡସରେ ନିଜର ପ୍ରଥମ ଟେଷ୍ଟ ବିଜୟ ପାଇଛି । ଭାରତୀୟ ଟିମ୍ ୧୨ ବର୍ଷ ପରେ ଇଂଲଣ୍ଡରେ ଟେଷ୍ଟ ମ୍ୟାଚ ଜିତିଛି ।
ମ୍ୟାଚ୍ ଆରମ୍ଭରୁ ହିଁ ଭାରତୀୟ ଖେଳାଳିମାନେ ଦମଦାର ପ୍ରଦର୍ଶନ କରିଥିଲେ । ଉଭୟ ବ୍ୟାଟିଂ ଏବଂ ବୋଲିଂ ବିଭାଗରେ ଦଳ ଭଲ ପ୍ରଦର୍ଶନ କରିଥିଲା । ପ୍ରଥମ ଇନିଂସରୁ ହିଁ ଭାରତୀୟ ବ୍ୟାଟର ଧୈର୍ଯ୍ୟର ସହ ଖେଳି ବଡ଼ ସ୍କୋର କରିଥିଲେ । ଦଳର ଅଭିଜ୍ଞ ତଥା ଯୁବ ଖେଳାଳିଙ୍କ ମଧ୍ୟରେ ଉତ୍କୃଷ୍ଟ ଭାଗିଦାରୀ ଦେଖିବାକୁ ମିଳିଥିଲା । ଏହା ଦଳକୁ ମଜଭୁତ ସ୍ଥିତିରେ ପହଞ୍ଚାଇଥିଲା ।
ପ୍ରଥମ ଇନିଂସରେ ଭାରତୀୟ ଦଳ ୨୮୫ ରନ୍ କରିଥିଲା । ଏହା ଜବାବରେ ଇଂଲଣ୍ଡ ଟିମ ନିଜର ପ୍ରଥମ ଇନିଂସରେ ମାତ୍ର ୧୭୦ ରନ୍ କରିପାରିଥିଲା । ଦ୍ବିତୀୟ ଇନିଂସରେ ଭାରତୀୟ ଟିମ୍ ଯସ୍ତିକା ଭାଟିଆଙ୍କ ଶତକ ଏବଂ ସ୍ମୃତି ମନ୍ଧାନା ଓ ରିଚା ଘୋଷଙ୍କ ଦମଦାର ଅର୍ଦ୍ଧଶତକ ବଳରେ ମୋଟ ୩୪୧ ରନ୍ କରିଥିଲା । ଯସ୍ତିକା ଭାଟିଆ ପ୍ରଥମ ମହିଳା କ୍ରିକେଟର ଭାବରେ ଲର୍ଡସରେ ଶତକ ହାସଲ କରି ରେକର୍ଡ କରିଛନ୍ତି । ପ୍ରଥମ ଇନିଂସରେ ଭାରତ ୧୭୧ ରନରେ ଅଗ୍ରଣୀ ହାସଲ କରିଥିଲା । ଏହା ପରେ ଇଂଲଣ୍ଡ ଦଳ କେବଳ ୧୮୬ ରନରେ ଅଲଆଉଟ ହୋଇଯାଇଥିଲା । ଫଳରେ ଭାରତୀୟ ଟିମ୍ ୨୭୦ ରନର ଐତିହାସିକ ବିଜୟ ହାସଲ କରିଛି ।
