ଏ.କେ ବ୍ୟୁରୋ : ଯୋଗ ଦେଲେ ଓଡ଼ିଶାର ୧୫୦ ଯୁବକ ଓ ଯୁବତୀ, ସାମିଲ ହେଲେ ଗଞ୍ଜାମର ଦୀପକ, ସାୟନୀ, ଆଶିଷ ଓ ଶିବାନୀସ୍ଥାନ ଓ ତାରିଖ: ଜଟଣୀ/ଖୋର୍ଦ୍ଧା, ୧୦ ଅଗଷ୍ଟ, ୨୦୨୬ମୁଖ୍ୟ ସମାଚାର ଖୋର୍ଦ୍ଧା ଜଟଣୀସ୍ଥିତ ଏକ୍ସିମ୍ ବିଶ୍ୱବିଦ୍ୟାଳୟ (XIM University) ପରିସରରେ ଆଜି ଓଡ଼ିଶା ଯୁବ ସମ୍ମିଳନୀ (OCOY 4.0) ର ଚତୁର୍ଥ ସଂସ୍କରଣ ଆନୁଷ୍ଠାନିକ ଭାବେ ଉଦଘାଟିତ ହୋଇଯାଇଛି।
ମାନ୍ୟବର ରାଜ୍ୟପାଳ ମୁଖ୍ୟ ଅତିଥି ଭାବେ ଯୋଗଦେଇ ପ୍ରଦୀପ ପ୍ରଜ୍ଜ୍ୱଳନ ପୂର୍ବକ ଏହି ପ୍ରତିଷ୍ଠିତ ଜଳବାୟୁ ସମ୍ମିଳନୀର ଶୁଭାରମ୍ଭ କରିଛନ୍ତି। ଏକ ସବୁଜ, ସୁଦୃଢ଼ ଓ ପ୍ରଗତିଶୀଳ ଓଡ଼ିଶା ଗଠନ ଦିଗରେ ନେତୃତ୍ୱ ନେବାକୁ ରାଜ୍ୟପାଳ ଏହି ଅବସରରେ ଉପସ୍ଥିତ ଯୁବପିଢ଼ିଙ୍କୁ ଆହ୍ୱାନ ଦେଇଛନ୍ତି।’ୟୁଥ୍୪ୱାଟର ପ୍ଲସ୍’ (Youth4Water Plus) ଏବଂ ସହଯୋଗୀ ସଂଗଠନଗୁଡ଼ିକର ମିଳିତ ପ୍ରୟାସରେ ଆୟୋଜିତ ଏହି ରାଜ୍ୟସ୍ତରୀୟ ମଞ୍ଚ ପାଇଁ ସମଗ୍ର ଓଡ଼ିଶାରୁ ୨୦୦୦ରୁ ଅଧିକ ଆବେଦନ ଆସିଥିଲା। ସେଥିମଧ୍ୟରୁ କଠିନ ଚୟନ ପ୍ରକ୍ରିୟା ଦେଇ ରାଜ୍ୟର ସମସ୍ତ ୩୦ଟି ଜିଲ୍ଲାରୁ ୧୫୦ ଜଣ ପ୍ରତିଭାବାନ ଯୁବକ ଓ ଯୁବତୀ (Delegates) ଙ୍କୁ ଚୟନ କରାଯାଇଛି।
ଏହି ଗୌରବମୟ ସମ୍ମିଳନୀରେ ଗଞ୍ଜାମ ଜିଲ୍ଲାରୁ ପ୍ରତିନିଧିତ୍ୱ କରୁଥିବା ଉତ୍ସାହୀ ଯୁବକ ଓ ଯୁବତୀ – ଦୀପକ କୁମାର ସାହୁ, ସାୟନୀ, ଆଶିଷ ଏବଂ ଶିବାନୀ ,ରଘୁନାଥ ସକ୍ରିୟ ଭାବେ ଯୋଗଦେଇ ନିଜ ଅଞ୍ଚଳର ଜଳବାୟୁ ସମସ୍ୟା ଓ ତାର ସମାଧାନର ସ୍ୱରକୁ ମାନ୍ୟବର ରାଜ୍ୟପାଳ ଓ ଅନ୍ୟାନ୍ୟ ଅତିଥିଙ୍କ ସମ୍ମୁଖରେ ଉପସ୍ଥାପନ କରିଛନ୍ତି। ପରିବେଶ ସୁରକ୍ଷା ପାଇଁ ଏହି ଯୁବକ ଓ ଯୁବତୀମାନଙ୍କର ଏଭଳି ପ୍ରୟାସକୁ କାର୍ଯ୍ୟକ୍ରମରେ ବେଶ୍ ପ୍ରଶଂସା କରାଯାଇଛି।ଆସନ୍ତା ୧୨ ଅଗଷ୍ଟ ପର୍ଯ୍ୟନ୍ତ ଚାଲିବାକୁ ଥିବା ଏହି ତିନି ଦିନିଆ ସମ୍ମିଳନୀରେ ଜଳବାୟୁ ସଙ୍କଟ, ପରିବେଶ ନ୍ୟାୟ ଏବଂ ସବୁଜ ବ୍ୟବସାୟ ଭଳି ବିଭିନ୍ନ ଗୁରୁତ୍ୱପୂର୍ଣ୍ଣ ପ୍ରସଙ୍ଗରେ କର୍ମଶାଳା ଅନୁଷ୍ଠିତ ହେବ। ସମ୍ମିଳନୀର ଉଦଯାପନୀ ଦିବସରେ ଏହି ସମସ୍ତ ଯୁବ ପ୍ରତିନିଧିଙ୍କ ଦ୍ୱାରା ପ୍ରସ୍ତୁତ ଏକ ସ୍ୱତନ୍ତ୍ର ପରିବେଶ ସଙ୍କଳ୍ପ ପତ୍ର (Youth Statement) କୁ ରାଜ୍ୟ ସରକାରଙ୍କ ନିକଟରେ ଉପସ୍ଥାପନ କରାଯିବାର କାର୍ଯ୍ୟକ୍ରମ ରହିଛି।
