ଭରତପୁର ଥାନା ବର୍ତ୍ତମାନ ଚର୍ଚ୍ଚାରେ ଥିବା ବେଳେ ଆଉ ଏକ ଫର୍ଦ୍ଦ ଚର୍ଚ୍ଚାରେ ଜୋଡି ହୋଇଯାଇଛି। ଥାନାରେ ନୂଆ ଆଇଆଇସି ପୂଜାପାଠ କରିଛନ୍ତି । କାର୍ଯ୍ୟରେ ଯୋଗଦେଇ ଯଜ୍ଞରେ କର୍ତ୍ତା ହୋଇବସିଛନ୍ତି ଆଇଆଇସି ଦୀପକ ଖଣ୍ଡାୟତ ରାୟ। ନୂଆ ଥାନା ଅଧିକାରୀ ଥାନା ଗେଟ୍ରେ ଲଙ୍କା ଲେମ୍ବୁ ଝୁଲାଇଛନ୍ତି । ଏହାସହ ଚାମ୍ବରରେ ହୋମ ଯଜ୍ଞର ଆୟୋଜନ ମଧ୍ୟ କରାଯାଇଛି। ଯାହାଫଳରେ ମନ୍ତ୍ରପାଠରେ ଗୁଞ୍ଜରିତ ପୁର ଅଞ୍ଚଳ। ହୋମଯଜ୍ଞ ବେଳେ ହାତରେ ରକ୍ଷାସୂତ୍ର ବାନ୍ଧିଛନ୍ତି ଥାନା ଅଧିକାରୀ ଏବଂ କର୍ମଚାରୀ। ତେବେ ପୂଜାର୍ଚ୍ଚନା ନେଇ ଶ୍ରୀ ଖଣ୍ଡାୟତରାୟ କହିଛନ୍ତି ନୂଆ କରି କାର୍ଯ୍ୟଭାର ସମ୍ଭାଳିଛି, ତେଣୁ ମନ ଶାନ୍ତି ପାଇଁ ପୂଜା ଆର୍ଚ୍ଚନା କରିଛି।ତେବେ ଥାନା ପରିସରରେ ସିସିଟିଭ ଲଗାଯାଉଥିବା ଆଇଆଇସି ସୂଚନା ଦେଇଛନ୍ତି। ସେପଟେ ଭରତପୁର ମାମଲାରେ ହାଇକୋର୍ଟରେ ଜନସ୍ୱାର୍ଥ ମାମଲା ରୁଜୁ ହୋଇଛି। ମେଜର ଓ ପୀଡିତାଙ୍କ ନାଁ ଗଣମାଧ୍ୟମରେ ପ୍ରକାଶ କରିବାରେ ବାରଣ କରାଯାଇଛି। ସମସ୍ତ ଥାନାରେ ସିସିଟିଭି ବ୍ୟବସ୍ଥା ସମ୍ପର୍କରେ ଜଣାଇବାକୁ ଏଡିଜିଙ୍କୁ ନିର୍ଦ୍ଦେଶ ଦିଆଯାଇଛି।
