ଏ.କେ ବ୍ୟୁରୋ : ଏବେ ଖୁବ୍ ଚର୍ଚ୍ଚାରେ ହାଇଦ୍ରାବାଦ୍ ଚଞ୍ଚଳଗୁଡ଼ା ସେଣ୍ଟ୍ରାଲ ଜେଲ୍ । କାରଣ ଏ ଜେଲ୍ ଏବେ ପାଲଟିଛି ପର୍ଯ୍ୟଟନ କେନ୍ଦ୍ର । ଏଠାରେ ଲୋକଙ୍କ ପାଇଁ ଆରମ୍ଭ ହୋଇଛି ’ଫିଲ୍ ଦ ଜେଲ୍’ ନାମକ ସ୍ବତନ୍ତ୍ର ପର୍ଯ୍ୟଟନ ବ୍ୟବସ୍ଥା । ଏଠାରେ ମାତ୍ର ୨ ହଜାର ଟଙ୍କା ଦେଲେ କେହି ଜେଲରେ ରହିପାରିବେ ଏବେ ଖୁବ୍ ଚର୍ଚ୍ଚାରେ ହାଇଦ୍ରାବାଦ୍ ଚଞ୍ଚଳଗୁଡ଼ା ସେଣ୍ଟ୍ରାଲ ଜେଲ୍ ।
କାରଣ ଏ ଜେଲ୍ ଏବେ ପାଲଟିଛି ପର୍ଯ୍ୟଟନ କେନ୍ଦ୍ର । ଏଠାରେ ଲୋକଙ୍କ ପାଇଁ ଆରମ୍ଭ ହୋଇଛି ’ଫିଲ୍ ଦ ଜେଲ୍’ ନାମକ ସ୍ବତନ୍ତ୍ର ପର୍ଯ୍ୟଟନ ବ୍ୟବସ୍ଥା । ଏଠାରେ ମାତ୍ର ୨ ହଜାର ଟଙ୍କା ଦେଲେ କେହି ଜେଲରେ ରହିପାରିବେ , ଜେଲ୍ ଜୀବନକୁ ଅନୁଭବ କରିପାରିବେ । ଲୋକେ ଜେଲ ବାରାକରେ ସମୟ ବିତାଇବେ, କଏଦୀଙ୍କ ଭଳି ଖାଦ୍ୟ ଖାଇବେ , ଜେଲରେ ଜୀବନଶୈଳୀକୁ ଅନୁଭବ କରିପାରିବେ । ଏଭଳି ବ୍ୟବସ୍ଥାର ଉଦ୍ଦେଶ୍ୟ ହେଉଛି, ଜେଲ୍ ଜୀବନର କଠିନ ସ୍ଥିତି ଏବଂ ଅନୁଶାସନକୁ ବୁଝିବା । ଏହାସହ ପର୍ଯ୍ୟଟନକୁ ନୂଆ ଦିଗ ଦେବା । ତେଲେଙ୍ଗାନା ପର୍ଯ୍ୟଟନ ଏବଂ ଜେଲ୍ ପ୍ରଶାସନର ଏ ନିଆରା ପ୍ରୟାସ ପର୍ଯ୍ୟଟଠକଙ୍କ ମଧ୍ୟରେ ନୂଆ ଉତ୍ସାହ ଆଣିଛି । ସୋସିଆଲ ମିଡିଆରେ ଏହି ଖବର ଭାଇରାଲ ହେଉଛି । ଜେଲ୍ ପ୍ରଶାସନ ଏହି ଅନୁଭବକୁ ଦୁଇଟି ପର୍ଯ୍ୟାୟରେ ବାଣ୍ଟିଛି । ଯେଉଁମାନେ କମ୍ ସମୟ ଭିତରେ ଜେଲ୍ ଜୀବନକୁ ବୁଝିବାକୁ ଚାହୁଛନ୍ତି ସେମାନେ ୧୨ ଘଣ୍ଟା ପାଇଁ ୧ହଜାର ଟଙ୍କା ଏବଂ ୨୪ ଘଣ୍ଟା ପାଇଁ ୨ ହଜାର ଟଙ୍କା ଡିପୋଜିଟ୍ କରି ରେଜିଷ୍ଟ୍ରସନ୍ କଲେ ଜେଲରେ ରହିପାରିବେ । ଏହି ପର୍ଯ୍ୟଟନରୁ ମିଳିବା ଅର୍ଥକୁ ଜେଲ୍ ପରିସରରେ ଥିବା ସଂଗ୍ରହାଳୟର ବିକାଶରେ ବିନିଯେଗ କରାଯିବ ଏବଂ ଅନ୍ତେବାସୀଙ୍କ କଲ୍ୟାଣ ପାଇଁ ବ୍ୟବହାର କରାଯିବ । ଏହି ଅର୍ଥକୁ କଏଦୀଙ୍କ ସ୍କିଲ୍ ଡେଭଲପମେଣ୍ଟ, ଚିକିତ୍ସା ଏବଂ ପୁନର୍ବାସ ପାଇଁ ବ୍ୟବହାର କରାଯିବ । ଏହି ଭାବରେ ଜଣେ ପର୍ଯ୍ୟଟକ ବି ଜଣେ କଏଦୀର ଜୀବନ ସୁଧାରିବାରେ ଯୋଗଦାନ କରିପାରିବେ । ସାଧାରଣତଃ ଜେଲକୁ ଆମ ସମାଜରେ ଭିନ୍ନ ଏକ ନିମ୍ନ ଦୃଷ୍ଟିରେ ଦେଖାଯାଏ । ହେଲେ ଲୋକଙ୍କ ମନରୁ ଏହି ଭାବନାକୁ ଦୂରେଇବାକୁ ଚଞ୍ଚଲଗୁଡ଼ା ଜେଲ୍ ପ୍ରଶାସନ ଏଭଳି ଜେଲ୍ ପର୍ଯ୍ୟଟନ କାର୍ଯ୍ୟକ୍ରମ ଆରମ୍ଭ କରିଛନ୍ତି । ଜେଲ୍ ପ୍ରଶାସକଙ୍କ କହିବା କଥା, ଜଣେ ଜେଲରେ ସମୟ କାଟିଲେ ଜେଲ୍ ଜୀବନକୁ ଅନୁଭବ କରିପାରିବ । ଜଣେ କଏଦୀର ବାସ୍ତବତା ଏବଂ ତା’ର ସୁଧାରର ଆବଶ୍ୟକତା ବିଷୟରେ ଚିନ୍ତା କରିପାରିବ । ଏହାକୁ ଶିକ୍ଷାର ଏକ ଭଲ ମଡେଲ ବି କୁହାଯାଇପାରେ । ଜେଲ୍ ଯେ କେବଳ ଗୋଟେ ଦଣ୍ଡ ଗୃହ ନୁହେଁ ବରଂ ଏକ ସୁଧାର ଗୃହ ବୋଲି ଲୋକଙ୍କ ମନରେ ଭାବନା ସୃଷ୍ଟି କରିବା ବି ଏହି କାର୍ଯ୍ୟକ୍ରମର ଲକ୍ଷ । ଚଞ୍ଚଲଗୁଡ଼ା ଜେଲରେ ଥିବା ସଂଗ୍ରହାଳୟ ଅତୀତର ଜେଲ୍ ବ୍ୟବସ୍ଥା ଉପରେ ସ୍ମୃତି ସାଇତି ରଖିଛି । ଏହା ଭାରତର ଦଣ୍ଡ ପ୍ରଣାଳୀର କ୍ରମିକ ବିକାଶ ର କାହାଣୀ ବି କୁହେ । ଏଠାକୁ ଆସୁଥିବା ପର୍ଯ୍ୟଟକ ଖାଲି ଜେଲ୍ ଦେଖିବାକୁ ଆସୁନାହାନ୍ତି ବରଂ ଜେଲ୍ର ନିୟମକୁ ବି ମାନନ୍ତି । ସେମାନଙ୍କର ଜେଲର ବାରାକରେ ରହିବାକୁ ପଡ଼େ । ଜେଲର ପୂରା ଜୀବନଚର୍ଯ୍ୟାକୁ ପାଳନ କରିବାକୁ ପଡ଼େ ।
