ଏ.କେ ବ୍ୟୁରୋ : ଆଫ୍ରିକାର କଙ୍ଗୋରେ ମାତିଲା ଇବୋଲା ସଂକ୍ରମଣରେ ୮୦ ମୃତ । ନମୁନା ପରୀକ୍ଷା ପରେ ଇବୋଲା ଭାଇରସ ଚିହ୍ନଟ । ସଂକ୍ରମିତ ବ୍ୟକ୍ତିଙ୍କ ରକ୍ତ, ବାନ୍ତି, ଲାଳ ସଂସ୍ପର୍ଶରେ ଆସିଲେ ବ୍ୟାପୁଛି ଭାଇରସ । ସାମ୍ନାକୁ ଆସିଲା ୨୪୬ ଜଣ ସନ୍ଦିଗ୍ଧ ମାମଲା। ଜନସ୍ୱାସ୍ଥ୍ୟ ଜରୁରିକାଳୀନ ଅପରେସନ୍ କେନ୍ଦ୍ରକୁ ଆଲର୍ଟ । କଙ୍ଗୋରେ ଇବୋଲା ସଂକ୍ରମଣରେ ୮୦ ମୃତ । କଙ୍ଗୋର ପୂର୍ବ ଇଟୁରି ପ୍ରଦେଶରେ ଇବୋଲା ସଂକ୍ରମଣରେ ୮୦ ଜଣଙ୍କର ମୃତ୍ୟୁ ହୋଇଥିବା ଦେଶର ସ୍ୱାସ୍ଥ୍ୟ ମନ୍ତ୍ରଣାଳୟ କହିଛି 
ପରୀକ୍ଷିତ ନମୁନାରେ ଇବୋଲା ଭାଇରସର ଆଠଟି ମାମଲା ନିଶ୍ଚିତ ହୋଇଛି । ଇବୋଲା ସଂକ୍ରମିତ ବ୍ୟକ୍ତିଙ୍କ ଶରୀର ରକ୍ତ, ବାନ୍ତି, ଲାଳ ସହିତ ସିଧାସଳଖ ସଂସ୍ପର୍ଶରେ ଆସିବା ଦ୍ବାରା ଏହା ସୁସ୍ଥ ଲୋକଙ୍କୁ ବ୍ୟାପିଥାଏ । ଏହା କରୋନା ପରି ବାୟୁବାହିତ ନୁହେଁ। ଏହି ଭାଇରସର ୨୪୬ ଜଣ ସନ୍ଦିଗ୍ଧ ମାମଲା ସାମ୍ନାକୁ ଆସିଛି । ସରକାର କହିଛନ୍ତି, ଜନସ୍ୱାସ୍ଥ୍ୟ ଜରୁରିକାଳୀନ ଅପରେସନ୍ କେନ୍ଦ୍ରକୁ ସକ୍ରିୟ କରାଯାଇଛି । ସୀମାପାର ଉପରେ ନଜର ରଖିବା ସହ ପ୍ରସ୍ତୁତି ମୁକାବିଲା ପାଇଁ କଙ୍ଗୋ, ଉଗାଣ୍ଡା, ଦକ୍ଷିଣ ସୁଦାନ ଏବଂ ବିଶ୍ୱ ଅଂଶୀଦାରମାନଙ୍କ ସହିତ ଏକ ଜରୁରୀ ବୈଠକ ଡକାଯାଇଛି। ୧୯୭୬ ମସିହାରେ କଙ୍ଗୋରେ ପ୍ରଥମ ଥର ପାଇଁ ଇବୋଲା ଚିହ୍ନଟ ହେବା ପରଠାରୁ ଏହା ୧୭ତମ ସଂକ୍ରମଣ ଘଟଣା ।
