ଏ.କେ ବ୍ୟୁରୋ :ଗଞ୍ଜାମ ଜିଲ୍ଲା ହୁମ୍ମା ପଞ୍ଚାୟତ ଅନ୍ତର୍ଗତ କାଳାଜାମୁନା ଗ୍ରାମର ଜଣେ ଜଣାଶୁଣା, ସମାଜସେବୀ ତଥା ଅମାୟିକ ବ୍ୟକ୍ତିତ୍ୱ ବିଜୟ କୁମାର ସାହୁ (ସାହୁ ବାବୁ) ଙ୍କର ଗତକାଲି ୫୪ ବର୍ଷ ବୟସରେ ଅକାଳ ବିୟୋଗ ଘଟିଛି। ତାଙ୍କର ଏହି ଆକସ୍ମିକ ମୃତ୍ୟୁ ଖବର ପ୍ରସାରିତ ହେବା ପରେ ସମଗ୍ର ଗଞ୍ଜାମ ଅଞ୍ଚଳରେ ଏକ ଶୋକାକୁଳ ପରିବେଶ ସୃଷ୍ଟି ହୋଇଛି।
ସାହୁ ବାବୁ କେବଳ ଜଣେ ସାଧାରଣ ମଣିଷ ନଥିଲେ; ସେ ଥିଲେ ପରୋପକାରୀ, ସ୍ନେହୀ ଏବଂ ସବୁବେଳେ ଅନ୍ୟର ଦୁଃଖସୁଖରେ ଚିଡ଼ା ହେଉଥିବା ଜଣେ ଅତି ଭଦ୍ର ଲୋକ। ତାଙ୍କର ମଧୁର ବ୍ୟବହାର ଏବଂ ସମସ୍ତଙ୍କୁ ଆପଣାର କରିନେବାର ଶୈଳୀ ପାଇଁ ସେ ସ୍ଥାନୀୟ ଅଞ୍ଚଳରେ ବେଶ୍ ପରିଚିତ ଓ ଆଦୃତ ଥିଲେ। ସେ ବର୍ତ୍ତମାନ ଗଞ୍ଜାମରେ ରହି ଆସୁଥିଲେ ମଧ୍ୟ ନିଜ ମାଟି ଓ ନିଜ ଗ୍ରାମବାସୀଙ୍କ ସହ ସବୁବେଳେ ନିବିଡ଼ ଭାବେ ଜଡ଼ିତ ଥିଲେ। ତାଙ୍କର ଏହି ଅକାଳ ପ୍ରୟାଣ ସ୍ଥାନୀୟ ଅଞ୍ଚଳ ପାଇଁ ଏକ ଅପୂରଣୀୟ କ୍ଷତି। ଜଣେ ଭଲ ମଣିଷ ଭାବରେ ସେ ସମସ୍ତଙ୍କ ହୃଦୟରେ ସଦା ସର୍ବଦା ଅମର ହୋଇ ରହିବେ। ତାଙ୍କର ବିୟୋଗରେ ବିଭିନ୍ନ ମହଲରୁ ଗଭୀର ଶୋକ ପ୍ରକାଶ ପାଇବା ସହ ଶୋକସନ୍ତପ୍ତ ପରିବାରବର୍ଗଙ୍କୁ ସମବେଦନା ଜଣାଯାଇଛି। “ହେ ମହାପ୍ରଭୁ ଶ୍ରୀଜଗନ୍ନାଥ, ସ୍ୱର୍ଗତ ପବିତ୍ର ଆତ୍ମାକୁ ଆପଣଙ୍କ ଚରଣାରବିନ୍ଦରେ ସ୍ଥାନ ଦିଅନ୍ତୁ ଏବଂ ଏହି ଅସହ୍ୟ ଦୁଃଖ ସମୟରେ ତାଙ୍କ ପରିବାରକୁ ଧୈର୍ଯ୍ୟ ଓ ସାହସ ପ୍ରଦାନ କରନ୍ତୁ।”
