କଟକ,ଏ.କେ ବ୍ୟୁରୋ : କଟକ ଜିଲ୍ଲା ଜରିପଡା ସ୍ଥିତ କ୍ରିଷ୍ଣାମୂର୍ତ୍ତି ୱାଲ୍ଡ ସ୍କୁଲ ଠାରେରେ ଜିଲ୍ଲା ସ୍ତରୀୟ ଭାରତୀୟ ଜନତା ପାର୍ଟିର ଦୁଇ ଦିନିଆ ପ୍ରଶିକ୍ଷଣ ଶିବିର ଗତକାଲି ସଫଳତାର ସହ ସମାପ୍ତ ହୋଇଛି। ଏହି ଶିବିରରେ ଦଳର ବିଭିନ୍ନ ନିର୍ବାଚନ ମଣ୍ଡଳୀ ରୁ ଆସିଥିବା କାର୍ଯ୍ୟକର୍ତ୍ତାମାନେ ଯୋଗଦେଇ ସଂଗଠନ ମଜବୁତି, ଆଗାମୀ ନିର୍ବାଚନ ପ୍ରସ୍ତୁତି ଏବଂ ସରକାରଙ୍କ ବିକାଶମୂଳକ କାର୍ଯ୍ୟକୁ ଲୋକଙ୍କ ପହଞ୍ଚରେ ପହଞ୍ଚାଇବା ନେଇ ଗୁରୁତ୍ୱପୂର୍ଣ୍ଣ ଆଲୋଚନା କରାଯାଇଥିଲା।
ଉଦଯାପନୀ ଶିବିରର ମୁଖ୍ୟ ଆକର୍ଷଣ ଥିଲେ ରାଜ୍ୟ ବିଜେପି ସଭାପତି ମନମୋହନ ସାମଲ। ସେ କର୍ମୀମାନଙ୍କୁ ସମ୍ବୋଧିତ କରି କହିଥିଲେ ଯେ, ଦଳର ଶକ୍ତି ହେଉଛି ତାହାର ସଂଗଠନ ଏବଂ ତୃଣମୂଳ ସ୍ତରର କାର୍ଯ୍ୟକର୍ତ୍ତା। ପ୍ରତ୍ୟେକ କର୍ମୀ ଯଦି ନିଷ୍ଠା ଓ ସେବାଭାବ ନେଇ କାମ କରିବେ, ତେବେ ଦଳ ଆହୁରି ଶକ୍ତିଶାଳୀ ହେବ ବୋଲି ସେ କହିଥିଲେ।
ମନମୋହନ ସାମଲ ତାଙ୍କ ଭାଷଣରେ କହିଥିଲେ ଯେ, ଆଜିର ରାଜନୀତିରେ ଜନସେବା ହିଁ ସବୁଠାରୁ ବଡ଼ ଲକ୍ଷ୍ୟ ହେବା ଉଚିତ। ଦଳୀୟ କର୍ମୀମାନେ ଗାଁ ଗାଁକୁ ଯାଇ ସରକାରଙ୍କ ଯୋଜନା ବିଷୟରେ ସାଧାରଣ ଲୋକଙ୍କୁ ସଚେତନ କରିବା ସହ ଲୋକଙ୍କ ସମସ୍ୟା ଶୁଣି ସମାଧାନ ପାଇଁ ପ୍ରୟାସ କରିବା ଆବଶ୍ୟକ। ସେ କହିଥିଲେ ଯେ, ବିଜେପି ସଦା ଦେଶ ଓ ରାଜ୍ୟର ବିକାଶ ପାଇଁ କାମ କରୁଛି ଏବଂ ଆଗାମୀ ଦିନରେ ମଧ୍ୟ ଏହି ଧାରା ଜାରି ରହିବ।
ଏହି ଦୁଇ ଦିନିଆ ପ୍ରଶିକ୍ଷଣ ଶିବିରରେ ସଂଗଠନର ନୀତି ଆଦର୍ଶ, ବୁଥ୍ ସ୍ତରର କାର୍ଯ୍ୟପ୍ରଣାଳୀ, ସୋସିଆଲ ମିଡିଆର ଭୂମିକା, ସରକାରୀ ଯୋଜନାର ପ୍ରଚାର ପ୍ରସାର ଏବଂ ଆଗାମୀ ନିର୍ବାଚନ ପାଇଁ କୌଶଳ ନେଇ ବିଭିନ୍ନ ସେସନ୍ ଆୟୋଜିତ ହୋଇଥିଲା। ଅନୁଭବୀ ନେତା ଓ ପ୍ରଶିକ୍ଷକମାନେ କର୍ମୀଙ୍କୁ ଦଳୀୟ ଶୃଙ୍ଖଳା ଏବଂ ଜନସମ୍ପର୍କ ବୃଦ୍ଧି ନେଇ ମହତ୍ୱପୂର୍ଣ୍ଣ ପରାମର୍ଶ ଦେଇଥିଲେ।
ଶିବିରରେ ଯୋଗଦେଇଥିବା କର୍ମୀମାନେ କହିଥିଲେ ଯେ, ଏହି ପ୍ରଶିକ୍ଷଣ ତାଙ୍କୁ ନୂତନ ଉତ୍ସାହ ଓ ଦାୟିତ୍ୱବୋଧ ଦେଇଛି। ଆଗାମୀ ଦିନରେ ସେମାନେ ଦଳର ସନ୍ଦେଶ ଘରେ ଘରେ ପହଞ୍ଚାଇବା ସହ ସଂଗଠନକୁ ଆହୁରି ସୁଦୃଢ କରିବା ପାଇଁ କାମ କରିବେ ବୋଲି କହିଛନ୍ତି।
ଶିବିରର ଶେଷ ଦିନରେ ସମସ୍ତ କର୍ମୀ ଏକତା ଓ ସଂଗଠନ ମଜବୁତିର ସଂକଳ୍ପ ନେଇଥିଲେ। ଦଳର ବରିଷ୍ଠ ନେତାମାନେ ମଧ୍ୟ କହିଥିଲେ ଯେ, ଏପରି ପ୍ରଶିକ୍ଷଣ ଶିବିର ଦଳୀୟ କାର୍ଯ୍ୟକର୍ତ୍ତାଙ୍କୁ ଆହୁରି ସକ୍ରିୟ ଏବଂ ଦାୟିତ୍ୱବାନ କରିଥାଏ।
ଜିଲ୍ଲା ସଭାପତି ଶ୍ରୀ ସୁକାନ୍ତ ବିଶ୍ୱାଳ ଙ୍କ ସଭାପତିତ୍ୱ ରେ ଅନୁଷ୍ଠିତ ଏହି କାର୍ଯ୍ୟକ୍ରମ ରେ ସର୍ବ ଶେଷ ରେ ସମସ୍ତ କାର୍ଯ୍ୟକର୍ତ୍ତା ଓ ନେତୃତ୍ୱ ମାନଙ୍କୁ ଧନ୍ୟବାଦ ଦେଇଥିଲେ କଟକ ସଦର ର ଯୁବ ବିଧାୟକ ଶ୍ରୀ ପ୍ରକାଶ ଚନ୍ଦ୍ର ସେଠୀ
ଏହି କାର୍ଯ୍ୟକ୍ରମରେ ଦଳର ବହୁ ବରିଷ୍ଠ ନେତା, ପଦାଧିକାରୀ ଓ ଶତାଧିକ କାର୍ଯ୍ୟକର୍ତ୍ତା ଉପସ୍ଥିତ ଥିଲେ। ସମଗ୍ର ପରିବେଶ ଦଳୀୟ ସ୍ଲୋଗାନ ଓ ଉତ୍ସାହରେ ଭରିଯାଇଥିଲା।
ବ୍ୟୁରୋ ରିପୋର୍ଟ ଆପଣଙ୍କ ଖବର
