ଏ.କେ ବ୍ୟୁରୋ : ସିବିଆଇ ନିଟ୍- ୟୁଜି ପ୍ରଶ୍ନପତ୍ର ଲିକ୍ ମାମଲାରେ ଦ୍ବିତୀୟ ମୁଖ୍ୟ ଅଭିଯୁକ୍ତ ତଥା ନ୍ୟାସନାଲ ଟେଷ୍ଟିଂ ଏଜେନ୍ସି (ଏନ୍ଟିଏ) ପାନେଲରେ ଥିବା ଜୀବବିଜ୍ଞାନ ଅଧ୍ୟାପିକାଙ୍କୁ ଗିରଫ କରିଛି । ସିବିଆଇ ନିଟ୍- ୟୁଜି ପ୍ରଶ୍ନପତ୍ର ଲିକ୍ ମାମଲାରେ ଦ୍ବିତୀୟ ମୁଖ୍ୟ ଅଭିଯୁକ୍ତ ତଥା ନ୍ୟାସନାଲ ଟେଷ୍ଟିଂ ଏଜେନ୍ସି (ଏନ୍ଟିଏ) ପାନେଲରେ ଥିବା ଜୀବବିଜ୍ଞାନ ଅଧ୍ୟାପିକାଙ୍କୁ ଗିରଫ କରିଛି। ପ୍ରଶ୍ନପତ୍ର ଲିକ୍ ରାକେଟର ମୁଖ୍ୟ କୁହାଯାଉଥିବା ଅବସରପ୍ରାପ୍ତ ରସାୟନ ବିଜ୍ଞାନ ଅଧ୍ୟାପକ ପିଭି କୁଲକର୍ଣ୍ଣୀଙ୍କୁ ଗିରଫ କରିବାର ଦିନକ ପରେ ଏନ୍ଟିଏ ପେପର୍-ସେଟିଂ କମିଟିରେ ଥିବା ମହିଳା ଜୀବବିଜ୍ଞାନ ଅଧ୍ୟାପିକାଙ୍କୁ ଗିରଫ କରିଛି।
ମହିଳା ଅଧ୍ୟାପିକା ମନୀଷା ମନ୍ଧାରେଙ୍କୁ ସିବିଆଇ ପଚରାଉଚରା କରିବା ପରେ ଶନିବାର ଗିରଫ କରିଛି। ଅଧିକାରୀଙ୍କ ଅନୁଯାୟୀ, ମନ୍ଧାରେ ମଧ୍ୟ କୁଲକର୍ଣ୍ଣୀଙ୍କ ପରି ସମାନ ଢଙ୍ଗରେ ଲିକ୍ ହୋଇଥିବା ପ୍ରଶ୍ନଗୁଡ଼ିକୁ ଛାତ୍ରଛାତ୍ରୀଙ୍କୁ ପ୍ରଦାନ କରିଥିଲେ। ଏହି ଛାତ୍ରଛାତ୍ରୀମାନେ ତାଙ୍କଠାରୁ ପାଠ ପଢ଼ିବା ପାଇଁ ଲକ୍ଷ ଲକ୍ଷ ଟଙ୍କା ଦେଉଥିଲେ। ସିବିଆଇ ତଦନ୍ତରୁ ଜଣାପଡ଼ିଛି ଯେ, ଦୁଇଟି ସେଟ୍ ପ୍ରଶ୍ନପତ୍ର ଗୋଟିଏ ହାତଲେଖା ଓ ଅନ୍ୟଟି ଟାଇପ୍ ହୋଇଥିବା ଏନ୍ଟିଏରୁ ଲିକ୍ ହୋଇଥିଲା ଓ ଏହା ପଛରେ କୁଲକର୍ଣ୍ଣୀ ଓ ମନ୍ଧାରେ ଥିଲେ। ପ୍ରଶ୍ନପତ୍ର ପ୍ରସ୍ତୁତ କରିଥିବା ପୂରା କମିଟି ଓ ଏନ୍ଟିଏର ଅନ୍ୟ ବରିଷ୍ଠ ଅଧିକାରୀମାନେ ମଧ୍ୟ ସିବିଆଇ ସ୍କାନରରେ ଅଛନ୍ତି। ଆଗାମୀ ଦିନରେ ଅଧିକ ଲୋକଙ୍କୁ ଗିରଫ କରାଯାଇପାରେ।ସିବିଆଇର ଜଣେ ଅଧିକାରୀ କହିଛନ୍ତି ଯେ , ପେପର ଲିକ୍ ତଦନ୍ତରେ ପ୍ରଥମ ଥର ପାଇଁ ଆମେ ଏନ୍ଟିଏରେ ଲିକ୍ର ଉତ୍ସ ପାଇଛୁ। ପେପର ଲିକ୍ ହେବା ପରେ ଓ ଏହାର ପିଡିଏଫ୍ ମେସେଜିଂ ଗ୍ରୁପରେ ବାହାରିବା ପରେ ଏହାର ଶହ ଶହ ହିତାଧିକାରୀ ଥାଇପାରନ୍ତି। ଆମେ ସମସ୍ତଙ୍କୁ ଖୋଜିବୁ କିନ୍ତୁ ପ୍ରଥମେ ଆମେ ଲିକ୍ର ଉତ୍ସ ଓ ସେମାନଙ୍କ ସହଯୋଗୀମାନଙ୍କ ଉପରେ କାମ କରୁଛୁ। ଛାତ୍ରଛାତ୍ରୀମାନଙ୍କୁ ଏକତ୍ରିତ କରି ଟଙ୍କା ସଂଗ୍ରହ କରିଥିଲେ। ମନୀଷା ୱାଘମାରେଙ୍କୁ ପୂର୍ବରୁ ଗିରଫ କରାଯାଇଥିଲା। କୁଲକର୍ଣ୍ଣୀ ତାଙ୍କ ପୁଣେ ସ୍ଥିତ ଘରେ ଛାତ୍ରଛାତ୍ରୀଙ୍କୁ ଅନେକ ବିକଳ୍ପ ରହିତ ପ୍ରଶ୍ନ ଡାକୁଥିଲେ ଓ ଏହାର ଉତ୍ତର ମଧ୍ୟ କହୁଥିଲେ। କୁଲକର୍ଣ୍ଣୀଙ୍କ କ୍ଲାସ ପରେ ପ୍ରଶ୍ନପତ୍ର କେଉଁ ଚେନ୍ରେ ଗତି କରିଥିଲା ତାହା ମଧ୍ୟ ସିବିଆଇ ମ୍ୟାପ୍ କରିଛି। ନାସିକ୍ ନିବାସୀ ଶୁଭମ ଖୈରନାର ଏପ୍ରିଲ ମାସରେ ଗୁରୁଗ୍ରାମର ଯଶ ଯାଦବଙ୍କୁ କହିଥିଲେ ଯେ, ମାଙ୍ଗିଲାଲ ନାମକ ଜଣେ ବ୍ୟକ୍ତି ତାଙ୍କ ସାନ ପୁଅ ପାଇଁ ଲିକ୍ ହୋଇଥିବା ପ୍ରଶ୍ନପତ୍ର ନେବାକୁ ୧୦-୧୨ ଲକ୍ଷ ଟଙ୍କା ଦେବାକୁ ପ୍ରସ୍ତୁତ। ୨୯ ଏପ୍ରିଲରେ ଖୈରନାର ଯାଦବଙ୍କୁ କହିଥିଲେ ଯେ, ସେ ପଦାର୍ଥ ବିଜ୍ଞାନ, ରସାୟନ ବିଜ୍ଞାନ ଓ ଜୀବବିଜ୍ଞାନ ପ୍ରଶ୍ନ – ମୋଟ ପ୍ରାୟ ୫୦୦-୬୦୦ – ପ୍ରଦାନ କରିପାରିବେ ଯାହା ‘ପ୍ରତିଷ୍ଠିତ ମେଡିକାଲ୍ କଲେଜରେ ପ୍ରବେଶ ସୁନିଶ୍ଚିତ କରିପାରିବ ଓ ଯାଦବଙ୍କୁ ସୁରକ୍ଷା ଜମା ଭାବରେ ଦଶମ ଓ ଦ୍ୱାଦଶ ଶ୍ରେଣୀ ଡକ୍ୟୁମେଣ୍ଟ, ଏକ ନିଟ୍ ରୋଲ୍ ନମ୍ବର ଓ ମଙ୍ଗିଲାଲଙ୍କୁ ଏକ ଚେକ୍ ଦେବାକୁ କହିଥିଲେ। ସେହିଦିନ ଯାଦବ ଲିକ୍ ହୋଇଥିବା ପ୍ରଶ୍ନପତ୍ରର ପିଡିଏଫ୍ ଟେଲିଗ୍ରାମ ମାଧ୍ୟମରେ ପାଇଥିଲେ ଓ ମାଙ୍ଗିଲାଲଙ୍କୁ ପଠାଇଥିଲେ। ସିବିଆଇ ଏପର୍ୟ୍ୟନ୍ତ ୫ ରାଜ୍ୟର ୮ ଜଣଙ୍କୁ ପ୍ରଶ୍ନପତ୍ର ଲିକ୍ ନେଇ ଗିରଫ କରିଛି।
